Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mediu në takimin e Këshillit të Konservatorëve Europianë: Qeveria për herë të parë ka shkatërruar sistemin kushtetues

Politiko 28 Qershor 2019, 11:11

Kreu i PR, Fatmir Mediu ka folur para deputetëve të Parlamentit Europian mbi gjendjen aktuale politike në Shqipëri.

Gjatë takimit në Këshillin e Konservatoreve Europiane, Mediu ka shtjelluar se qeveria për herë të parë ka shkatërruar sistemin kushtetues dhe për pasojë më 30 qershor zhvillon zgjedhje me një kandidat.

Mediu u ndal edhe te përgjimet e publikuara nga ‘Bild’, si dhe argumenton pse opozita mori vendimin për djegien e mandateve.

Fjalimi i plotë:

Ç’po ndodh në Shqipëri?

Ne kemi një qeveri që drejtohet nga marrëzia, interesa kriminale dhe korruptive. Një qeveri që nuk garanton, por shkatërron zgjedhjet e lira dhe të ndershme.

Për herë të pare mbas rënies së regjimit komunist në Shqipëri, Qeveria e Ramës, në kundërshtim me Kushtetutën, pluralizmin politik, kërkon të organizojë të dielën, në 30 qershor, zgjedhjet pa kundërshtar politik, vetëm me një kandidat.

Mbas gjithë këtyre viteve, kjo qeveri, për herë të parë ka shkatërruar sistemin tonë kushtetues.

Për herë të parë ne jemi për më shumë se 1,5 vjet pa Gjykatë Kushtetuese dhe pa Gjykatë të Lartë.

Miqësisht do desha t’ju drejtoj një pyetje.

Po të ndodhte kjo në vendin tuaj, do heshtnit apo do qëndronit fort për kushtetutshmërinë dhe demokracinë tuaj??

Pa dyshim që po. Prandaj unë kërkoj mbështetjen tuaj që dhe vendi im të jetë si i juaji.

Për herë të parë në historinë e Shqipërisë, opozita dogji mandatet në nje situatë të paprecedente. Po përse??

Për të rikthyer besimin tek sistemi politik, mbrojtja e Kushtetutës, zgjedhjet e lira dhe të ndershme, përballë një qeverie të korruptuar dhe të inkriminuar, e cila e ka kthyer Shqipërinë në kushtet e një grushti shteti.

Mediat ndërkombëtare kanë bërë publike dosje që janë në Prokurori dhe nuk hetohen, të cilat provojnë se qeveria dhe strukturat kriminale, kanë manipuluar zgjedhjet në 2015 dhe 2017, nëpërmjet blerjes së votave dhe intimidimit të votuesve.

Blerja e votave dhe intimidimi i votuesve është përcaktuar nga Raporti i OSBE/ODHIR si problemi më i madh në zgjedhjet Parlamentare të vitit 2017.

Qindra qytetarë dhe deputetë të opozitës janë proceduar dhe arrestuat nga policia dhe prokuroria, sepse protestojnë kundër këtyre krimeve elektorale, ndërkohë që ata që kanë kryer krimin janë në qeveri, polici dhe në strukturat shtetërore.

Kryetarët e bashkive dhe qytetarë arrestohen dhe procedohen nga qeveria sepse kërkojnë respektimin e autoritetit që i jep ligji dhe Kushtetuta, sepse duan të respektohet dekreti i Presidentit, që ka dekretuar shtyrjen e zgjedhjeve dhe qeveria refuzon dhe përdor gjithë shtetin kundër Kushtetutës dhe të drejtave të qytetarëve.

Më shumë se një vit më parë Ne, së bashku, organizuam si ACRE, Samitin e Lirisë në Tiranë, ku folëm për trashëgiminë e komunizmit.

Folëm për diktaturën dhe tiraninë, e cila sot shfaqet në një formë të rrezikshme të regjimeve të korruptuar dhe kriminale që dhunojnë dhe i janë mbivendosur Jetës, Lirisë dhe mundësisë për të ndërtuar lumturinë e qytetarëve tanë.

Shqipëria do të jetë pjesë e BE-së dhe këtë duam të gjithë, vetëm atëherë kur shqiptarët nuk largohen nga Shqipëria siç po ndodh në një eksod masiv, por do të kenë kushte dhe standarde Europiane në Shqipëri, për të ndërtuar lumturinë dhe mirëqenien për vehte, familjet e tyre dhe Shqipërinë.

Ju falënderoj për mbështetjen që i jepni Shqipërisë, për të garantuar zgjedhje të lira dhe të ndershme, për t’ja kthyer Shqipërinë shqiptarëve.