Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mesazhi i aleatit të Bashës me portretet e fitores ndaj diktaturës: Në këtë përballje ka dy qëndrime

Politiko 23 Maj 2018, 13:16
Mesazhi i aleatit të Bashës me portretet e fitores ndaj

Aleati i Lulzim Bashës, Agron Duka, me portretet e fitores ndaj diktaturës të tre dekadave më parë, u bën thirrje të gjithë qytetarëve që të bashkohen në protestën e 26 Majit, si detyrim moral ndaj atij brezi, dhe atyre që do të vijnë.

Kreu i Partisë Agrare Ambientaliste në një reagim në Facebook, shprehet se kanë detyrim t’i japin vendit një qeveri të pastër nga çfarëdo lloj hije apo dyshimi, një qeveri të drejtë, dhe një politikë të pandotur nga droga.

Megjithatë, sipas Dukës, në këtë përballje ka dy qëndrime; “Ata që përdorin integrimin si gjethe fiku, dhe ata që besojnë se nuk po integrohemi në Bashkimin Sovjetik, por në BE; po integrohemi në një komunitet që vlerëson protestën si mjet demokratik, ndërsa përçmon drogën, krimin dhe korrupsionin”.

Reagimi i plotë i Agron Dukës:

Këta janë porteret e fitores ndaj diktaturës. Mijëra të rinj dhe të reja u ngritën nga ajo humnerë, plot entuziazëm, plot jetë, shpresë dhe besim në themelimin e një të ardhmeje europiane. Gati tri dekada më vonë, kjo perspektivë po mbahet peng nga krimi, droga dhe lidhja simbiotike me politikën.

Sot kemi një detyrim moral ndaj atij brezi, dhe atyre që do të vijnë. Një detyrim për t’i dhënë vendit një qeveri të pastër nga çfarëdo lloj hije apo dyshimi, një qeveri të drejtë, dhe një politikë të pandotur nga droga.

Në këtë përballje ka dy qëndrime. Ata që përdorin integrimin si gjethe fiku, dhe ata që besojnë se nuk po integrohemi në Bashkimin Sovjetik, por në BE; po integrohemi në një komunitet që vlerëson protestën si mjet demokratik, ndërsa përçmon drogën, krimin dhe korrupsionin.

Të dashur miq, si tri dekada më parë, i vetmi mjet për një Shqipëri europiane është protesta. Prandaj, 26 Maji nuk është thjeshtë një e drejtë, por një detyrë qytetare.

Agroni

Të fundit