Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mesazhi i Bashës për Ramën në emision, reagon PD: I sajuar nga ata që duan të fshehin keqmenaxhimin e krizës

Politiko 19 Mars 2020, 10:01
Mesazhi i Bashës për Ramën në emision, reagon PD: I sajuar

Partia Demokratike e ka cilësuar një mesazh të sajuar komunikimin e lexuar mbrëmë në emisionin ‘Open’ në Top Channel, ku i ftuar ishte kryeministri Edi Rama.

Gjatë emisionit, gazetarja Eni Vasili lexoi një mesazh sipas saj i mbërritur në celular nga kreu i PD, Lulzim Basha, ku ky i fundit i kërkon të pyes kryeministrin nëse Rama është i gatshëm të largohet dhe të t’i hapë rrugën Bashës për drejtimin e qeverisë.

Sipas PD, mesazhi është sajuar në mënyrë të paligjshme si një akt i turpshëm i atyre që duan të fshehin keqmenaxhimin e krizës.

“Shqiptarët kërcënohen nga rreziqe të mëdha. Edi Rama ndal sulmet politike, fillo bëj punën për të cilën paguhesh.

Dje në emisionin Open është dërguar një mesazh i sajuar me pyetje drejtuar Edi Ramës nga gjoja numri i telefonit të Kryetarit të Partisë Demokratike, Lulzim Basha. Ky mesazh i sajuar në mënyrë të paligjshme është një akt i turpshëm i atyre që duan të fshehin keqmenaxhimin e krizës.

Ata që sajojnë mesazhe në emër të kryetarit të opozitës, duke ndërhyrë në mënyrë të paligjshme në telefonin e gazetarëve, mund ta bëjnë këtë akt të rrezikshëm me çdo qytetar. Ne do t’u kërkojmë organeve përgjegjëse të zbardhin këtë skandal kriminal për të zbuluar me prova autorët dhe për ti ndëshkuar ata sipas ligjit.

Edi Rama duhet të ndalë menjëherë lojërat e pista dhe luftën politike me mesazhe fallso, njerëz fallso dhe propagandë të skaduar kundër opozitës. Ai duhet t’u kthejë sot shqiptarëve lekët e taksave për të përballuar krizën e bukës që po thellohet nga mbyllja e vendeve të punës.

Thirrja jonë për Edi Ramnën është: Mirato urgjentisht paketën e ndihmës! Shqiptarët kërcënohen nga rreziqe të mëdha. Ndal sulmet politike, fillo bëj punën për të cilën paguhesh!”, sqaron sot në mëmgjes PD.

Kujtojmë se Vasili gjatë emisionit sqaroi më vonë se Basha i ka dërguar me print-screen mesazhet e këmbyra nga telefoni i tij me gazetaren, ku mesazhi mungon.

“Është një mesazh që mendohet se mund të ketë ardhur në rrugë teknologjike, nuk e di se si. Ka qenë një shaka pa kripë nëse ka qenë kështu. Që sot e tutje do jem më e kujdesshme në leximin e mesazheve”, tha më tej Vasili.

Të fundit