Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Meta kujton 82-vjetorin e vdekjes së Migjenit: Grushti migjenian ndaj malit që s'bzan është ende një kryesimbol

Politiko 26 Gusht 2020, 17:46
Meta kujton 82-vjetorin e vdekjes së Migjenit: Grushti migjenian ndaj malit

Presidenti i Republikës Ilir Meta ka kujtuar 82-vjetorin e vdekjes së poetit të madh Migjenit, me shprehjen e tij të famshme "Ah, si nuk kam një grusht të fortë".

Nëpërmjet një postimi në Facebook, kreu i shtetit theskosn se sot ky mal është demokraci e keqpërdorur barbarisht, është korrupsioni i llahtarshëm, shkatërrimi i shtetit, degradimi i shoqërisë dhe përdhosja e moralit.

Më tej Meta shprehet se grushti migjenian ndaj malit që nuk bën zë, është ende një kryesimbol, që konstrukton shpresën për një të ardhme të denjë kombëtare dhe njerëzore

Postimi i presidentit Ilir Meta:

“GRUSHTI MIGJENIAN NDAJ MALIT QË S’BZAN ËSHTË ENDE NJË KRYESIMBOL”

Në 82-vjetorin e kalimit në përjetësi të poetit kombëtar, Migjeni, vetëm një personalitet i madh, si i paharruari Moikom Zeqo, mund t’i analizonte kaq mjeshtërisht simbolikat e forta të kryeveprave të Tij:

“O, si nuk kam një grusht të fortë” – kjo thirrje e apostrofuar e Migjenit është e shumëkuptimshme.

Migjeni flet për një grusht shpirtëror ndaj së keqes shekullore, prapambetje e mendësisë së gurëzuar…

Sa intelektualë shqiptarë, fatkeqësisht, turpërisht, përsëritën servilizmin ritual, duke përdhosur kështu vetveten.

Mali që s’bzan!

Sot ky mal është demokraci e keqpërdorur barbarisht, është korrupsioni i llahtarshëm, shkatërrimi i shtetit, degradimi i shoqërisë, përdhosja e moralit…

Grushti Migjenian ndaj malit që s’bzan, është ende një kryesimbol.

Të plogëtit, le të vegjetojnë, në kalbësirën e tyre morale, kundërmuese, sulfurike, fosilizuese, vetëshkatërruese përfundimisht, fatalisht.

Duket sikur Migjeni nuk shkruan thjesht me fjalë. Shqyen kohërat. Kohërat e prapambetjes dhe të vonesave  mendore. Konstrukton shpresën. Për një të ardhme të denjë kombëtare dhe njerëzore”.

Të fundit