Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Meta puth qenin hero të FSK-së që ndihmoi në gjetjen e personave nën rrënojat e tërmetit

Politiko 4 Dhjetor 2019, 13:55

Presidenti i Republikës, Ilir Meta vlerësoi sot Forcat e Sigurisë së Kosovës, Njësinë Operacionale të Policisë, Ekipin e Zjarrfikësve të Kosovës, Njësinë K9 si dhe të gjithë ekipet e specializuara që nëpërmjet gatishmërisë së lartë, profesionalizmit të spikatur dhe sakrificave të pakursyera gjatë operacioneve të kërkimit dhe shpëtimit, pas tërmetit të 26 nëntorit 2019.

Gjatë ceremonisë të zhvilluar në Kazermën Ushtarake të Forcës së Sigurisë së Kosovës "Adem Jashari" në Prishtinë, në prani të Kryeministrit në detyrë Ramush Haradinaj, Zëvendëskryeministrit Behgjet Pacolli dhe Komandantit të FSK-së Gjeneral Lejtnant Rrahman Rama, Meta në vlerësim të lartë dhe me mirënjohje të thellë shtetërore për solidaritetin njerëzor dhe humanizmin frymëzues çmoi Task Forcën e Kombinuar të Forcës së Sigurisë së Kosovës me “Medaljen e Artë të Shqiponjës” “Për gatishmërinë e lartë, profesionalizmin e spikatur dhe sakrificat e pakursyera të treguara gjatë operacioneve të kërkimit dhe shpëtimit pas tërmetit të 26 nëntorit 2019.

Meta vlerësoi Njësinë Speciale Operative të Policisë së Kosovës me Titullin “Kalorës i Urdhrit të Flamurit”, “Për Merita të Veçanta Civile” Ekipit të Zjarrfikësve të Kosovës, Njësitit K9 të FSK-së, Ekipit të Koorporatës Energjetike, Njësitit të Çetës së Shpëtimit të Minierës së Artanës si dhe Njësitit të Çetës së Shpëtimit të Minierës së Trepçës.

“Të gjithë shqiptarët kudo janë u bënë bashkë për t’u përballur me pasojat katastrofike që shkaktoi tërmeti shkatërrimtar i 26 nëntorit në Shqipëri.

Në këtë betejë, tashmë me një bilanc të rëndë lufte, Shqipëria nuk mbeti e vetme. Shumë vende mike dhe partnere bënë më të mirën e mundur, për të na u gjendur pranë sa më shpejt të ishte e mundur.

Por, Kosova ishte e para që u ndodh atje menjëherë në luftën për të shpëtuar jetën e çdo shqiptari nën rrënojat e katastrofës.

Ekipet tuaja nuk ishin atje vetëm fizikisht dhe profesionalisht, por në radhë të parë njerëzisht, vëllazërisht dhe shqiptarisht duke rrezikuar edhe jetën e tyre për të shpëtuar shumë jetë të tjera. ‘Kush shpëton një jetë, shpëton një botë të tërë,’ - ka thënë Shenjtorja Nënë Tereza.

Ju shpëtuat shumë jetë. Ju ndihmuat shumë të lënduar dhe na u gjendët pranë në momentet më të vështira dhe për këtë ju jemi thellësisht mirënjohës!”, tha Meta i cili po ashtu puthi në ballë qenin qero të FSK-së, i cili ndihmoi në lokalizimin e personave nën rrënojat e tërmetit dhe shpëtimin e tyre.

Në përfundim të ceremonisë solemne, Kryeministri në detyrë Ramush Haradinaj i shprehu mirënjohjen e veçantë Metës, për kontributin e tij të jashtëzakonshëm, në forcimin e lidhjeve të bashkëpunimit ndërmjet Kosovës dhe Shqipërisë duke theksuar se: “Kam nderin që në emër të qeverisë së Republikës së Kosovës, t’ju nderoj me medaljen “Gjergj Kastriot Skënderbeu”.