Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Meta: Tensioni në Shqipëri është i sponsorizuar, Vuçiç të mos të provokojë shqiptarët

Politiko 26 Dhjetor 2019, 21:49
Meta: Tensioni në Shqipëri është i sponsorizuar,

Presidenti i Shqipërisë Ilir Meta akuzoi kryeministrin Edi Rama se po e shkatërron gjithë sistemin në vend, vetëm për të qenë protagonist. Por kreu i shtetit është i shqetësuar se kjo situatë po shfrytëzohet nga Serbia. Ai mendon se i gjithë tensioni në vend është i qëllimshëm.

“Tensioni nuk është i rastësishëm as në Shqipëri. Ndoshta pas gjithë këtij tensioni të sponsorizuar qëllimisht qëndron dëshira që të na paraqesin që shqiptarët nuk bëjnë dot gjë. Ky ka qenë një vit zhgënjimesh në tërësi.”, tha Meta në “360 gradë” në Ora News.

Meta mendon se kemi të bëjmë me një defaktorizim të Shqipërisë.

“Prej tre vjetësh Shqipëria bën hapa pas në raport me BE-në. Nuk mund të jetë modeli për shqiptarët në rajon dhe për shkak të protagonizmit të një personi që në fund fare i përdor më së miri Serbia në rrafshin ndërkombëtar për t’i paraqitur shqiptarët si revanshistë.

Në Serbi kemi drejtues që rehabilitojnë Millosheviçin. Para dy javësh tha Masakra e Reçakut ishte trillim apo të para dy ditëve të Daçiçit që tha që zhbërja e shtetit të Kosovës është qëllim i Serbisë. Ka avancuar shumë në Uashington, në Bruksel. Ka përfituar shumë nga dialogu me Kosovën. Pse duhet që kryeministri i Shqipërisë të thotë në Parlamentin e Kosovës, që në të ardhmen do të ketë një president të përbashkët. Politika e Beogradit e përktheu Shqipëri-Kosovë, një shtet dhe nuk ia vlen ta njihni.

Sa i përket mohimit që Vuçiç i bëri masakrës së Reçakut, presidenti ka një mesazh:

“E papranueshme te thuash qe masakra e Reçakut ishte një trillim, sepse kjo do të thotë se ti mohon një gjenocid te kryer te zemër te Evropës. Kjo nuk mund te pranohet, sepse nesër ai mund te thotë se Srebrenica nuk ka ekzistuar etj dhe kjo nuk mund te pranohet. Ai nuk duhet te provokoje shqiptaret dhe bashkëpunimin rajonal”

Të fundit