Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Meta thirrje nga teatri: Rama të heqë dorë nga presionet, opozita nuk konsideroi propozimet ‘me këmbë në tokë’

Politiko 26 Korrik 2019, 13:52

Meta thirrje nga teatri: Rama të heqë dorë nga presionet, opozita

Presidenti Ilir Meta ka bërë përgjegjëse palët politike për situatën aktuale ku ndodhet vendi, sipas tij në një moment kaotik që po kërcënon çeljen e negociatave për Shqipërinë në 17-18 tetor.

Nga ambientet e teatrit në Durrës, Meta apeloi palët të ulen për dialog dhe të bëhen gati për zgjedhjet e 13 tetorit.

“Ajo që na shqetëson më shumë është teatri i madh politik absurd, që kërcënon çeljen e negociatave për Shqipërinë në 17-18 tetor. U bëj thirrje palëve politike, sidomos tre artistëve t’i japin fund absurdit të marrin masa për zgjedhjet vendore në 13 tetor sepse shqiptarët kanë nevojë të kenë qetësi, një qeverisje vendore të ligjshme dhe legjitime dhe po kështu garanton llogaridhënie për shqetësimet e tyre.

Zgjedhjet më 13 tetor për zgjedhjet vendoret nuk besoj se zgjidhim gjithçka, por ky është detyrim ligjor dhe kushtetues, në radhë të parë për kryeministrin që të heqë dorë nga presionet dhe shantazhet ndaj të gjitha institucioneve të tjera, duke penguar zbatimin e këtij dekreti dhe tjerëve që të bëhen gati të marrin pjesë në zgjedhjet vendore”, tha presidenti.

Ai shtoi se sot u ka drejtuar një letër zyrtarëve të lartë të OSBE, me qëllim që të negociojnë me të dyja palët dhe për arritjen e një zgjidhje sa më të shpejtë.

“Sot formalizova një letër sekretarit të përgjithsën të OSBE që vizitoi dje Tiranën dhe presidentit të asamblesë parlamentare të OSBE, meqë Shqipëria përgatitet për të marrë kryesimin e OSBE vitin e ardhshëm, për të negociuar me të dyja palët këtu për arritjen e një zgjidhje sa më të shpejtë, në ditët në vijim për të parandaluar përshkallëzimin e kësaj situate aspak të denjë, për një vend që duhet të jetë shembull në kryesimin e OSBE, të funksionimit të institucioneve demokratike dhe të kontribuojë për rritjen e sigurisë e kësaj organizate me rëndësi.

Kam insistuar dialog të qëndrueshëm politik prej vitesh, jo për diversion e demagogji, por për marrje përgjegjësisë nga të gjitha palët që të rivendoset normaliteti dhe funksionimi i institucioneve dhe të funksionojë kontrolli dhe balanca mes pushteteve. Sot parlamenti nuk i jep llogari para askujt, situatë kaotike në gjitha drejtime, kjo është përgjegjësi e palëve politike. Edhe opozita i ka patur mundësitë për të parandaluar me propozime me këmbë në tokë shumë nga këto marrëzitë që kanë ndodhur në drejtim të përparimit të skenarit të kapjes së institucioneve në vend”, tha Meta.