Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Metani: ILD do shqyrtojë mbi 900 ankesa për gjyqtarë e prokurorë, puna e parë do të nisë me...

Politiko 8 Shkurt 2020, 11:43
Metani: ILD do shqyrtojë mbi 900 ankesa për gjyqtarë e

Kreu i ILD-së, Artur Metani ka sqaruar në një konferencë për mediat se Inspektorati i Lartë i Drejtësisë do të shqyrtojë mbi 900 ankesa të ardhura për gjyqtarët dhe prokurorët gjatë periudhës 2017-2020.

Metani shton se për momentin është ngritur një strukturë provizore dhe puna e parë e ILD do të jetë inspektimi lidhur me vendimmarrjet dhe lirimit parakohe me kusht, referuar edhe rasteve të njohura të realizuara së fundmi.

“ILD ka vullnetin të përballet me shkeljet që diskreditojnë rëndë figurën e gjyqtarit dhe prokurorit, që cënojnë dhënien e drejtësisë dhe ushtrimin e funksionit në përputhje me ligjin.

Na pret një volum i lartë pune, sic janë pritshmëritë.

Për shkak të mungesës së inspektimit për një kohë të gjatë ILD na pret një volum e lartë pune. Inspektoratit i do i kalojë rreth 900 ankesa të dorëzuar gjatë periudhës 2017 -2020 pranë KLGJ. ILD nga data 1 shkurt , që konsiderohet që nis veprimtaria kanë nisur të vijnë ankesat e para.

Evidentimi i tyre kërkon analizë të plotë dhe trajtimin e tyre. ILD brenda kapaciteteve po ndërmerr një plan masash afatshkurtër lidhur me problematikat e konstatuara nga Këshilli i Lartë Gjyqësor, ministria e drejtësisë, KLP në raport me detyrat e kërkuara.

ILD lidhur me vendimmarrjet dhe lirimit parakohe me kusht do ti japë prioritet inspektimit në këtë drejtim.

Kam miratuar një strukturë provizore, kam kontaktuar me institucione që ILD do bashkëpunojë për ta bërë sa më shpejtë funksionale ILD.

Sot çelim faqen zyrtare, ku do shpallen 27 vende vakante”, tha Metani.

I pyetur se për cilat raste bëhet fjalë, ai nuk u ndal te emrat, por tha se më shqetësues është fenomeni.

“Të shmangim emrat, rëndësi për mua ka fenomeni, mund të ketë emra publik ose jo. Më shqetëson fenomeni se ka disa gjykata ku ka ndodhur kështu që inspektimi i parë do jetë tematikë për të identifikuar këtë fenomen dhe më pas duke respektuar standardet e hetimet do bëj publik edhe rastet ku do ndërhyhet”, tha kreu i ILD.

Të fundit