Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mike Pence flet në samitin e Kartës së Adriatikut: Rusia kërkon ndryshimin e kufinjve, Ballkani të vendos vetë

Politiko 2 Gusht 2017, 13:50
Mike Pence flet në samitin e Kartës së Adriatikut: Rusia

Zv/presidenti i SHBA-së, Mike Pence ka mbajtur një fjalim me tone të ashpra kundër Rusisë, gjatë samitit të Kartës së Adriatikut që po zhvillohet në Mal të Zi.

Pence ka ritheksuar angazhimin e SHBA-së në Ballkanin Perëndimor dhe u shpreh se Uashingtoni kërkon që të zvogëlojë varësinë e shteteve të këtij rajoni ndaj ushtrisë ruse.

Numri dy i ‘Shtëpisë së Bardhë’ tha se Moska kërkon ndryshimin e kufinjve dhe destabilizimin e rajonit, si dhe e bëri përgjegjëse për atentatin e dështuar ndaj ish-kryeministrit malazez.

Pjesë nga fjala e Mike Pence:

Amerika e para nuk do të thotë Amerika e vetme. Partneriteti SHBA-Europë është me rëndësi jetike. Në të gjitha shtetet e Ballkanit Perëndimor janë zhvilluar zgjedhje të lira e të ndershme. Ky është një moment i rëndësishëm për ju për të ecur përpara dhe për të punuar së bashku. Duhet të luftoni korrupsionin dhe të ndërtoni qeveri të përgjegjshme. Me presidentin Trump duhet të jeni të sigurtë se SHBA do t’ju mbështesë. SHBA do të jetë partnere me qytetarët tuaj dhe nuk do të harrojmë se siguria është prioritet për prosperitetin, ndaj do të thellojmë bashkëpunimin mes forcave të armatosura. Duam të zvoglojmë varsinë tuaj nga ushtria ruse, presidenti Trump e ka bërë të qartë këtë. Çdo anëtar i NATO-s duhet të respektojnë përgjegjësitë dhe të mos harrojmë se çdo sulm ndaj një vendi të NATO-s, është sulm ndaj aleancës. Lufta më e madhe është lufta ndaj terrorizmit. Ka patur kërcënime për sulme në Shqipëri, Kosovë dhe Maqedoni, por SHBA do vazhdojë të luftojë ISIS-in deri në shkatërrimin e plotë.

Rusia kërkon rimodelimin e kufinjve dhe ka punuar për të destabilizuar rajonin. Tentuan të pengonin zgjedhjet në Mal të Zi dhe të vrisnin kryeministrin tuaj. SHBA i kundërshton të gjitha përpjekjet dhe kërcënimet, Ballkani Perëndimor ka të drejtë të vendosë për të ardhmen e tij. SHBA bën përgjegjëse Rusinë dhe ftojmë të gjithë aleatët të bëjnë të njëjtën gjë.

Rama në samitin e Kartës së Adriatikut, zbardhet takimi me homologun malazez

Daçiç kërkon shkëmbim territoresh: Zgjidhje që garanton paqe këtë shekull

Të fundit