Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mike Pompeo dhe shqiptarët/Në krye të CIA-s denoncoi linjën e kokainës Kolumbi-Shqipëri dhe kanabizimin; priti në zyrë Thaçin dhe Haradinajn

Politiko 13 Mars 2018, 14:54

Mike Pompeo dhe shqiptarët/Në krye të CIA-s denoncoi linjën

Mike Pompeo është Sekretari i ri i Shtetit duke zëvendësuar në këtë post Rex Tillerson, i cili nuk arriti të bëhej asnjëherë aleat i presidentit Donald Trump. 54 vjeçari i lindur në Kaliforni dhe me prejardhje italiane ka qenë më parë i zgjedhur në Dhomën e Përfaqësuesve, për t’u emëruar më pas në krye të CIA-s.

Kush është Mike Pompeo?

Nëse ka një njëri që ka të njëjtat qëndrime si Donald Trump për çështje më rëndësi kombëtare dhe ndërkombëtare, ai është Mike Pompeo.

Shkurtimisht, Pompeo është kundërshtar i marrëveshjes nukleare me Iranin, ka kundërshtuar mbylljen e burgut të Guantanamos, ka akuzuar ish-presidentin Barack Obama se futi Rusinë në Siri, mbështet fuqishëm Izraelin, kërkon de-nuklearizimin e Koresë së Veriut dhe ka bërë përgjegjës liderët myslimanë për terrorizmin. Ai gjithashtu ka kundërshtuar marrëveshjen e klimës dhe kontrollet ndaj gazrave serë.

Mike Popmeo dhe shqiptarët

Në janar të 2018-ës, CIA ka publikuar raportin e përvitshëm për të gjitha shtetet e botës dhe për Shqipërinë ky ishte një ndër raportet më të ashpra.

Ndonëse Agjencia e Inteligjencës nën drejtimin e Mike Pompeo vlerësonte miratimin e reformës në drejtësi, në raport thuhej se në Shqipëri, korrupsioni endemik ka ndikuar në krijimin e një mjedisi të dobët për biznesin dhe largimin e investitorëve të huaj.

“Procedurat komplekse tatimore dhe të licencimit, sistemi i dobët gjyqësor, korrupsioni endemik, zbatimi i dobët i kontratave dhe çështjet pronësore, si dhe infrastruktura e vjetruar, kanë kontribuar për krijimin e një mjedisi të dobët për biznesin dhe kanë bërë që të largohen investitorët e huaj. Që prej vitit 2015, qeveria ka nisur një program ambicioz duke stabilizuar taksat dhe duke formalizuar ekonominë. Në korrik 2016 Shqipëria miratoi ndryshimet kushtetuese, të cilat do të reformojnë gjithë sistemin e drejtësisë, ku do të luftohet thellë korrupsioni dhe do forcohet sundimi i ligjit”, thuhet në raportin e CIA-s.

Më tej, CIA ka denoncuar linjës e trafikut të kokainës Kolumbi-Shqipëri dhe në më pak se dy muaj në portin e Durrësit u sekuestrua 613 kg kokainë kolumbiane. Në raport thuhej se në vendin tonë ishte zgjeruar prodhimi i kanabisit.

“Shqipëria shërben si rrugë kalimi për opiumin dhe hashashin nga veri-perëndimi i Azisë, si dhe për një sasi të konsiderueshme të kokainës nga Amerika e Jugut, të cilat më pas tregtohen në Evropën Perëndimore. Është zgjeruar prodhimi i kanabisit. Organizatat e narko-trafikut janë aktive dhe janë shtrirë në vendet e Evropës. Ka pastrim të lartë të parave, të lidhura me trafikimin e lëndëve narkotike, armëve, apo punë të tjetra të paligjshme të kryera nga zyrtarët dhe kriminelët”, thuhet në raportin e CIA-s.

Gjatë qëndrimit në krye të CIA-s, Mike Pompeo ka pritur në zyrë presidentin e Kosovës, Hashim Thaçi. Takimi është zhvilluar më 2 tetor të 2017-ës. Rreth katër muaj më vonë, më 8 shkurt të 2018-ës, në zyrën e Pompeo-s mbërriti kryeministri kosovar, Ramush Haradinaj.

Prishtina dhe Uashingtoni nuk kanë dhënë detaje për këto dy takime.

Kush është Gina Haspel, gruaja e parë në SHBA që ndryshon sot historinë e CIA-s, e “pasionuar” për torturat