Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Milionat e fushatës, ja sa fituan televizionet kryesore: Meta ‘mbuloi’ Top Channel me para, Basha zgjodhi Ora News, Rama ‘qokë’ Vizion Plusit

Politiko 2 Nëntor 2017, 14:39
Milionat e fushatës, ja sa fituan televizionet kryesore: Meta

Top Channel është televizioni që ka përfituar më shumë para nga partitë politike gjatë fushatës elektorale për zgjedhjet parlamentare të 25 qershorit. Në pasqyrat financiare të partive politike, të publikuara nga Komisioni Qendror i Zgjedhjeve, televizioni në pronësi të Vjollca Hoxhës rezulton të ketë fituar 18,655,010.00 lekë, i ndjekur nga Ora News/Channel One me 12,405,090.00 lekë, televizion në pronësi të Ylli Ndroqit, raporton Politiko.al.

Televizioni i tretë që ka fituar më shumë nga paratë e PS, PD dhe LSI, është Abc News me 8,933,078.00 lekë, më pas renditet Tv Klan me  6,808,307.00 lekë. Këto dy televizione janë në pronësi të Aleksandër Frangaj dhe fitimi i tyre i përbashkët tregon se biznesmeni ish-gazetar ka fituar më shumë se Ora News, por jo më shumë se Top Channel.

Për News 24, në pronësi të Irfan Hysenbelliut, partitë politike kanë dhënë 4,831,325.00 lekë, ndërsa për Vizion Plus që zotërohet nga Artan Dulaku, vetëm 2,200,500.00 lekë.

Fitimet e televizioneve gjatë fushatës:

Top Channel: 18,655,010.00

Ora News: 12,405,090.00

Abc News: 8,933,078.00

Tv Klan: 6,808,307.00

News 24: 4,831,325.00

Vizion Plus: 2,200,500.00

Nëse shikohet secila parti në veçanti, Lëvizja Socialiste për Integrim rezulton që pjesën më të madhe të parave e ka dhënë për spote televizive në Top Channel, ndërsa shifra është pothuajse e barabartë për Abc News dhe News 24. Për Ora News, LSI ka dhënë një shumë të vogël parash, ndërkohë nuk raportohet të ketë paguar për reklama në Tv Klan dhe Vizion Plus.

Top Channel – Spote televizive: 100,000.00; 7,236,100.00; 1,969,500.00

Abc News – Hapësirë publicitare: 403,290.00; Spote televizive: 1,064,000.00

News 24 – Hapësirë publicitare: 405,000.00; Spote televizive: 1,060,000.00

Ora News – Hapësirë publicitare: 405,090.00

Partia Demokratike pjesën më të madhe të parave e ka derdhur te Ora News dhe më pas ka preferuar Top Channel. Tv Klan dhe Abc News kanë përfituar gjithashtu shuma të mëdha nga demokratët, ndërsa për Vizion Plus pagesa ka qenë modeste krahasuar me televizionet e tjera, raporton Politiko.al.

Ora News – Transmetim live: 4,000,000; 3,000,000; 3,000,000

Vizion Plus – Transmetim spotesh: 700,500

Abc News – Transmetim Spotesh: 1,363,348.8; 1,635,900

Tv Klan – Transmetim Spotesh: 1,359,336; 1,448,971

Top Channel – Transmetim live: 3,543,600; Transmetim spotesh: 421,200; 1,333,000

News 24 – Transmetim reklamash: 1,366,325

Edhe Partia Socialiste ka preferuar Top Channel dhe Tv Klan për të transmetuar më shumë spote, çka do të thotë se pagesa për këto televizione ka zenë hapësirën më të madhe të shpenzimeve të socialistëve. Ora News dhe News 24 janë paguar me të njëjtën shifër, ndërsa Vizion Plus ka përfituar nga socialistët pjesën më të madhe të parave që ky televizion ka marrë gjatë fushatës. PS ka paguar edhe disa televizione lokale, në veri dhe jug të vendit.

Top Channel – Transmetim spotesh: 4,051,610.00

Vizion Plus – Transmetim spotesh: 1,500,000.00

News 24 – Transmetim spotesh: 2,000,000.00

Tv Klan – Transmetim spotesh: 4,000,000.00

Channel One/Ora News – Transmetim spotesh: 2,000,000.00

Të fundit