Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ministri i Polonisë: BE duhet të reformohet; pranimin e Shqipërisë e ka detyrë

Politiko 4 Maj 2018, 09:31
Ministri i Polonisë: BE duhet të reformohet; pranimin e

Ministri i Jashtën polak Jazek Czaputowicz me 7 maj pritet të vijë në Shqipëri. Polonia njihet si një nga vendet më kritike ndaj politikës së BE-së, por mbështetëse e Shqipërisë. Në një intervistë për ‘Gazetën Shqiptare’ Ministri i Jashtëm shprehet se BE ka nevojë për reforma.

“BE vuan nga një deficit demokratik. Ne mbështesim rritjen e rolit të parlamenteve ndërkombëtare. Një thellim i mëtejshëm i integrimit evropian është plani i mundshëm për aq sa pranohet nga shtetet dhe popujt që marrin pjesë në këtë proces”, është shprehur Czaputowicz.

Ai shton më tej se Komisioni Evropian duhet që të ktheher në rolin e tij teknik në vend që të bëjë përpjekje për një politikë më të madhe. Ndërsa sa i përket tensioneve më BE-në Ministri i Jashtëm është shprehur se BE duhet të bazohet në rregulla universale që të zbatohen në mënyrë të barabartë në të gjitha shtete.

“Ne jemi të shqetësuar për kriteret e paqarta që mund të çojnë deri në kufizimin arbitrar të të drejtave të Shteteve Anëtare”.

Sa i përket pikëpamjeve të Polonisë për zgjerimin e Ballkanit në BE, Czaputowicz u shpreh, “Polonia e mbështet fuqishëm politikën e derës së hapur të BE-së. Zgjerimi është një nga pikat më të fuqishme…Qytetarët e Ballkanit Perëndimor kanë të drejtë të zgjedhin rrugën  e zhvillimit. Ata janë evropian dhe BE ka detyrim për t’i pranuar këto vende, sigurisht nëse i plotësojnë kriteret e detyrueshme. Zgjerimi ka të bëjë me takime politike të nivelit të lartë, vendosjen e kritereve dhe hapjen e kapitujve. Ka të bëjë edhe me ndryshimin  e jetës së njerëzve për pritshmëritë më të mira nga reformat, modernizimin, qeverisjen e mirë, afrimin e ekonomive dhe njerëzve”, u shpreh më tej  Ministri i Jashtëm Polak.

Të fundit