Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

Ministria jonë e kulturës lexon vetëm me “intelektualë”, sepse ajo është një Ministri kulture me “k” të vogël

Politiko 31 Tetor 2017, 20:48

Ministria jonë e kulturës lexon vetëm me

All - Paragraf - 1

Flogerta Krypi

All - Paragraf - 3

Ti je një lexues. Harxhon thuajse 20% të rrogës tënde mujore për të blerë dy libra në Shqipëri dhe e shtyn muajin duke lexuar referimet e të tjerëve për të blerë librat që duhet të lexosh. Mund të të ndodhë të kesh një mik të mirë, i cili të dhuron ndonjë libër apo duke kaluar në rrugë gjen ndonjë libër të përdorur që i mungon kopertina, por duke qenë se është me çmim të mirë ti e blen.

Ti je një lexues, por në biblotekën kombëtare nuk ke akeses, sepse prej më shumë se nëntë muajsh ajo nuk ofron asnjë shërbim, pasi ra një zjarr. Pas këtij incidenti ndodhi që zv.Ministri i kulturës në Shqipëri, u shfaq në një konferencë për shtyp duke na informuar që ishin djegur thjesht “disa libra rus”. E pas kësaj nuk ndodhi asgjë tjetër me rëndësi.

Ti je një lexues, por në lagjen tënde nuk ke një biblotekë dhe pse kryetari i bashkisë ka mbushur vendin duke na thënë se janë shtuar hapsirat për lexuesit, studentët dhe biblotekat e njësive bashkiake së bashku me biblotekat e shkollave janë bërë funksionale dhe për komunitetin. Por ti që je një lexues, jo vetëm për në facebook, e di që kjo nuk është e vërtetë.

Ti je një lexues, por në vendin tënd nuk ka aktivitete letrare. Ka disa shtëpi të forta botuese të cilat, vetëm me mbështetjen e projekteve që financohen nga Bashkimi Europian kanë arritur të sjellin disa autorë të huaj në Shqipëri dhe të zhvillojnë promovimet e këtyre librave. Tek tuk bëjnë dhe ndonjë intervistë televizive për të na informuar për librat e nxjerrë në treg së fundmi nga ta.

Ti je një lexues, por ti nuk je i rëndësishëm, sepse ti nuk je një “intelektual”. Në këtë projektin e famshëm që mbështet Ministria jonë e kulturës nuk të ka ftuar ty si lexues të marrësh pjesë. Sepse ti nuk je “intelektual”. Ti nuk vishesh bukur dhe nuk je mjaftueshëm fotozhenik për kamerat dhe këto “intelektualët që lexojnë për ty”.

Ti je një lexues, por shkolla, universiteti nuk të ka informuar se ky aktivitet zhvillohet dhe pse hyrja është e lirë. Ti nuk mund të shkosh dot sepse sot është ditë e enjte dhe ti je në shkollë, universitet apo punë. Por nëse sot një nga partitë politike shqiptare do të kishte një “protestë” apo miting, ti do të ishe urdhëruar nga drejtoria e shkollës të dilje atje dhe të mbaje flamurin e ndonjë partie.

Ti je një lexues, por ti e ke shkollën në qendër të Tiranës, jo në Shkozë për shembull. Dhe pse ti jeton vetëm dhjetë minuta nga qendra e Tiranës me makinë ti konsiderohesh “periferik” dhe këto “intelektualët” që lexojnë me Ministrinë tonë të kulturës nuk arrijnë dot deri në Shkozë. Ata do lexojnë për shkollat private ku edukohen bijtë e “intelektualëve”.

Ti je një lexues, por ti nuk je i rëndësishëm, sepse prindi yt nuk del në televizior çdo ditë. Ata nuk janë as deputetetë, as ministra, as “intelektualë”. Rëndësia e mendimit tënd rreth një libri varet pikërisht nga statusi i familjes tënde. Nëse ti je thjesht një lexues kur ti drejton një pyetje, kundërpërgjigja e këtyre intelektualëve është “Nga vjen ti?”. Duke qenë se ti vjen nga hiçi dhe je thjesht një lexues, pyetja jote nuk ka vlerë ndaj kamerat fiken.

Ti je një lexues, por asnjë televizion nuk të fton ty të flasësh për librat, sepse ti thjesht lexon. Këto televizione kanë vend vetëm për Ministrinë tonë të kulturës që organizon këto super aktivitete dhe ne lexuesit e thjeshtë jemi të parëndësishëm për mbarëvajtjen e aktivitetit. Mund të them me bindje të plotë se Shqipëria është i vetmi vend në botë ku panairi i librit shihet si një “librari e madhe ku shiten libra me shumicë”. Madje suporti që jepet nga institucioni që përfaqëson kulturën në Shqipëri nuk jep asnjë mbështetje. Për të mos folur pastaj për përfaqësimin tonë në tregun e jashtëm.

E për gjithë këto arsye këto “intelektualë” nuk lënë hapsirë për ty. Sepse ti je thjesht një lexues dhe Ministria jonë e kulturës lexon vetëm me “intelektualë” që janë gjithçka, gazetarë, opnionistë, deputetë, drejtorë të ndonjë gjëje etj. Madje ky status të jesh i bindur i dashur lexues që nuk do të marrë asnjë “like” nga këto “intelektualë”. E di pse? Sepse dhe unë si ti, jam thjesht një lexuese.