Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mira Kazhani zbulon ndarjen e dytë Rama-Fevziu: Nuk pranon të dalë më në ‘Opinion’

Politiko 27 Tetor 2017, 13:42

Mira Kazhani zbulon ndarjen e dytë Rama-Fevziu: Nuk pranon të

Kryeministri Edi Rama do të flasë sot për herë të parë në emisionin “Zonë e Lirë” në Tv Klan, për skandalin ku është përfshirë ish-ministri i Brendshëm, Saimir Tahiri dhe për këtë zgjedhje ka shkruajtur edhe gazetarja Mira Kazhani.

Kazhani shprehet në komentin e publikuar në ‘TiranaPost’, se Rama e ka zëvendësuar Blendi Fevziun me Arjan Çanin, kjo për shkak se kryeministri është mërzitur me moderatorin e ‘Opinion’. Duke zbuluar ndarjen e dytë Rama-Fevziu, Kazhani thotë se Fevziu gjatë kësaj kohe nuk e ka fshehur dollinë për hallet e Ramës, ndërsa ky i fundit ka vendosur të ndërrojë të enjten me të premten.

“Nuk e dimë e s’kemi nga, por ose kryeministri është mërzitur me konsumerizmin e Fevziut, ose ka një arsye që ka vendosur të ndërrojë të enjten me të premten. Fevziun me Çanin. Ndoshta timonieri kërkon suksesin e audiencës që pati në fushatë tek “Zonë e Lirë”. Ndoshta është koha e Çanit në “Klan”. Mbetet për ta parë nesër (sot), se kështu më tha një zog tek dritarja”, shkruan Kazhani.

Rama ka patur probleme me drejtuesin e ‘Opinion’ edhe gjatë viteve kur drejtonte bashkinë e Tiranës dhe opozitës, duke refuzuar t’i shkonte në studio. Gjithçka ndryshoi pak përpara zgjedhjeve, ndërsa gjatë mandatit të parë qeverisës, Rama ka qenë disa herë në emisionin e Fevziut.

Komenti i Mira Kazhanit:

Ka një valë më shumë nisur nga intuita sesa fakte kundër qeverisë, 10 ditët e fundit. Pak a shumë siç ndodhin në përgjithësi ngjarjet. Nëse një burrë vret gruan, besoj keni vënë re që atë muaj do dëgjoni në lajme edhe për 3 ose 4 rastë të tjera. Nëse një fëmijë luan lojën “Balena blu”, atë muaj do ketë edhe disa raste të tjera, e kështu me radhë. Është efekt zinxhir por edhe imitues. Gjithsesi, nuk i hyj dot thellë, se si shumë gjëra të pashpjegueshme në këtë botë, i jetojmë dhe përballim pa u dhënë shpjegim.

Ditët e fundit, me procesin e Tahirit, që mbart seriozitet, skandal por dhe mjaft dyshime brenda, kanë nisur edhe akuza të tjera frontale. Menjëherë nisën legjendat urbane (që mund të ketë edhe të vërteta, nuk vihet dora më zjarr) familjari, ministri tjetër, ka dosje të tjera, ka lmime në fushatë. Mes të gjithëve ka spikatur edhe gazetari Blendi Fevziu, që gjatë kësaj kohe nuk e ka fshehur dollinë për hallet e Ramës.

Fevziu është nga më të mirët në vend, por, për hirë të së vërtetës, intervistat me Ramën apo edhe me Bashën, Metën, etj., bëhen pak impenjative. Duhet t’i ndjekësh me asistent për nga tempizmi, mbivendosja, kunjat.

Ok, “hard talk” është simpatik dhe profesional por mendimi se në “Opinion” nuk mbaron dot një mendim është i përgjithshëm. Nuk e dimë e s’kemi nga, por ose kryeministri është mërzitur me konsumerizmin e Fevziut, ose ka një arsye që ka vendosur të ndërrojë të enjten me të premten. Fevziun me Çanin. Ndoshta timonieri kërkon suksesin e audiencës që pati në fushatë tek “Zonë e Lirë”. Ndoshta është koha e Çanit në “Klan”. Mbetet për ta parë nesër, se kështu më tha një zog tek dritarja.

Mua për vete, njësoj më duket kryeministri kudo ku del; varet nga hëna!