Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mjeku Alimehmeti publikon studimin mbi transmetimin e covid-19 në shkolla: Lajm i mirë mbi nxënësit!

Politiko 8 Gusht 2020, 10:20

Mjeku Alimehmeti publikon studimin mbi transmetimin e covid-19 në shkolla:

Mjeku epidemiolog, Ilir Alimehmeti ka publikuar studimin nga Qendra Kombëtare për Kërkimin dhe Survejancën e Imunizimit të NSË-Australi mbi transmetimin e covid-19 në shkolla.

Ndërsa jemi në prag të nisjes së vitit të ri akademik, mjeku thotë se nga ky studim është konkluduar lajmi i mirë se transmetimi i virusit në shkolla është i kufizuar.

Postimi:

Lajm i mirë mbi nxënësit miqtë e mi!

Në shtetin Neë South Ëales të Australisë (popullatë 7.54 milionë banorë), evidentohet se trasmetimi nëpër shkolla është krejtësisht i kufizuar deri më sot.

Pse ka rëndësi Australia?

Dy arsye:

Shkollat janë të hapura që më 29 Prill në Australi.

Periudha prill-korrik në Australi i përkon stinës së vjeshtë-dimrit.

Këto të dhëna mund të informojnë hemisferën veriore mbi çfarë do të ndodhë në vjeshtë-dimër kur të hapen shkollat!

Qendra Kombëtare për Kërkimin dhe Survejancën e Imunizimit të NSË-Australi (NCIRS), organi zyrtar për survejancën e COVID-19, publikoi këto gjetje:

Periudha e mbuluar nga raporti: 10 Prill – 03 Korrik 2020.

6 individë (4 nxënës dhe dy mësuese) në 6 shkolla të ndryshme ishin raste primare të infektuara me COVID-19.

521 individë (459 nxënës dhe 62 mësues) u zbuluan nga hetimi epidemiologjik si kontakte të ngushta të 6 personave të infektuar.

319 (61.2%) kontakte të ngushta u testuan me RT-PCR (“tamponi”).

44 (8.4%) kontakte të ngushta u testuan me testet serologjike (“antitrupa anti-SARS-CoV-2”).

ASNJË NGA 521 KONTAKTET E NGUSHTA NUK U INFEKTUA!

ASNJË I VETËM!

Përfundimet e NCIRS:

U gjetën 3 shkolla fillore, 2 shkolla të mesme (viti 7-12) dhe një kopësht me raste primare të COVID-19, nga të cilët 2 ishin mësues dhe 4 ishin nxënës/fëmijë.

Ndër 521 kontaktet e ngushta nuk pati asnjë evidencë për transmetim sekondar.

Studimi unë i mëparshëm (Term 1), i publikuar në The Lancet Child and Adolescent Health, tregoi se transmetimi në institucione arsimore është i kufizuar.

Survejanca e vazhdueshme është e rëndësishmë pasi është demonstruar se mund të ndodhin raste infektimi brenda institucioneve arsimore, veçanërisht nëse infeksioni nuk zbulohet dhe nëse ekspozimi është i gjatë.

Të dhënat tona nga Term 2 evidentojnë se transmetimi në institucione arsimore mund të vazhdojë të qëndrojë i kufizuar, nëse: rritet ndërgjegjësimi komunitar, implementohen strategjitë e higjienës dhe të mitigimit, qëndrohet në shtëpi kur janë të pranishme simptomat, testohet herët dhe kryhet gjurmimi i kontakteve. Rrini të qetë për fëmijët por vazhdoni masat mbrojtëse, sidomos për të moshuarit dhe të sëmurët kronikë!