Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mjeku shqiptar flet nga Lodi, Beltoja: Rastet po ulen, por nëse përfundon në terapi intensive e ke punën keq

Politiko 22 Mars 2020, 17:31

Mjeku shqiptar flet nga Lodi, Beltoja: Rastet po ulen, por nëse

Alban Beltoja është një nga mjekët shqiptarë, që po përballet në vijën e parë të frontit me koronavirusin në Lodi të Italisë. Me profeion anestezist reanimator, Beltoja tregoi për Neës 24 eksperiencën e tij në lidhje me situatën e krijuar nga koronavirusi. Ai zbuloi se e reja e veriusit është fakti se pacientët mund të përkeqësohen brenda 30 minutave, duke u future në terapi intensive. Megjithatë, ai jep një lajm të mirë, duke u shprehur se numri i të prekurve po vjen duke u ulur nga dita në ditë.

“Situata ajo që dëgjoni, situatë e vështirë dhe pse kam përshtypjen që raste e rënda po ngadalësohen, por ngelen prap shumë të sëmurë. Numërohen me qindra. Numri i rritjes së të sëmurëve ka qenë më i vogël këto ditë se ditët e para. Në Lodi ku unë jam janë mbi 1 mijë pacientël. Në Lodi janë tre spitale që po trajtojnë. Shumë nuk ja kanë dalë mbanë, shumë pacientë. Ky është diçka që nuk na inkurajon megjithatë po ecim para.

Mosha është nga më të ndryshmet, por ajo më e prekura është mbi 60 vjeç. E kisha fjalën për viktimat. Të rinj nën 50 vjeç nuk janë shumë. Ata që paraqiten tek ne janë në gjendje të rëndë dhe duan 2-3 javë trajtim. Kjo ëshë një sëmundje e re dhe paraqitja e saj është një suprizë për ne. Të sëmurët duken sikur janë mirë kur përkeqësohen përkeqësohen brenda 30 minutash- 1 orë. Nëse nuk e intubon në këto momente, nuk e fut në terapi intensive atëhere ai nuk ja del.

Kjo është veçantina e kësaj sëmundje, nuk të lë shumë kohë për trajtim. Dua ta shpjegoj. Kuadri klinik i të sëmurëve është i larmishëm. Shumica nuk kanë shenja ose më pak se grip. Në pacientët që japin shenja klinike, që ne i shohim nga analizat e gjakut, radiografija, skaneri. Ecuria e tillë mund të jetë e tillë që kur përkeqësohen janë stabil dhe ndodh që brenda pak minutash që maksimumi për 30 minuta apo 1 orë nuk marrin dot frymë.”, shprehet mjeku shqiptar.

Ai tregon edhe shenjat klinike të sëmundjes, duke sqaruar se jo vetëm kolla dhe temperature, por dhe të vjellat janë pjesë e tyre. Alban Beltoja thotë gjithashtu se, pavarësisht se të moshuarit preken më shumë, të rinjtë të mos ndihen të pathyeshëm.

“Nuk dua të përhap panik por kjo është një sëmundje e re dhe paraqitet me shenja klinike të pazakonta. Personi që ndjehet mirë nuk ka asgjë për t’u trembur. Ata që kanë shenja klinike, paraqesin për disa ditë kollë, mund të kenë dhe bark apo të vjella. Mund të jetë në një gjendje të rënduar. Në bazë të shenjave klinike, zakonisht i sëmuri ndjen pengesë në frymëmarrje. Temperatura mund të jetë i ndryshme. Mund të ketë edhe 37.5 edhe 39 apo 40.

Mendoj se ata që merren me këtë punë do nxjerrin përfundimet dhe konkluzionet pse ndodhi, çfarë ndodhi. Nuk e di ç’të them. Di të them vetëm që përshtypja jonë është që numri i të sëmurëve është në ulje, e për rrjedhim e atyre të rëndëve. Lajm i mirë për Lodin. Masat shtrënguese ka 2-3 javë që janë vendosur këtu. Por ky lajm nuk është dhe për zonat e tjera të Italisë. Janë prekur shumë kolegë. Kushdo që punon në spital është i riskuar nga koronavirusi.

Është frika por duhet të kemi pak më shumë kujdes. Nëse ka ende masa ekstreme për t’u marrë duhet të merren. Moshën e tretë e godet rëndë dhe ka një vdekshmëri shumë të madhe. Izolimi i banorëve të vijojë me rigorozitet, vetëm kështu ndalet përhapja e koronavirusit që ka një vdekshmëri të lartë. Disa do e kenë punën shumë keq nëse përfundojnë në terapi intensive. Të rinjtë mos ndihen të paprekshëm, duhet të kenë shumë kujdes.”- tha Beltoja.