Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mohoi pronësinë e “Santa Quaranta-s’, avokati i Balilit: E bleu për 800 mijë dollarë kur ishte ish-kampi i punëtorëve

Politiko 18 Janar 2019, 09:38

Mohoi pronësinë e “Santa Quaranta-s’, avokati i Balilit: E

Avokati i Klement Balilit, Baftjar Rusi deklaron se e gjithë historia me Balilin lidhet me xhelozinë që kishte Greqia ndaj klientelës që ai po merrte me kompleksin Santa Quaranta. I ftuar në emisionin “Debati në Channel One” të gazetarit Roland Qafoku, Rusi tha se ai e bleu ish-kampin e punëtorëve për 800 mijë dollarë dhe e ktheu në një kompleks më vete, ndërsa në intervistën me Artan Hoxhën ai e ka mohuar pronësinë e hotelit.

Intervista:

Zoti Rusi, përse ju zgjodhi pikërisht ju Klement Balili avokat?

Njohja ime është e hershme. Kam qenë avokat i familjes sepse ata kanë shumë prona dhe kanë patur procese. Kryesisht çështje kanë qenë tregtare dhe biznesi. Unë kam prej 18 vitesh avokat i familjes Balili dhe e njoh mirë. Ata janë pesë vëllezër dhe kanë shumë aktivitete. Kam qenë avokat në shumë procese që kanë qenë të karakterit civil. Kryesisht çështjet i kanë fituar sepse kanë patur të drejtë në bazë të provave dhe të ligjit.

A je i kënaqur me pagesë?

Është një pagesë normale e zakonshme sipas tarifave.

Tani mos më thuaj tarifa sepse të jesh avokat i atij që e quajnë Eskobar i Ballkanit dhe të zësh në gojë tarifat e zakonshme nuk e ha njeri.

Unë nuk e di që Shqipëria të ketë Eksobar. Edhe në vendet me trafik të njohur të narkotikëve nuk di ti kishin thënë dikujt Eskobar. E kemi kapur thonë ata përjashtoi disa përgjime por nuk dihet as numri nëse është i tij. Nuk ka origjinalitete dhe emër të përcaktuar.

A e di Klement Balili se kush është Eskobari?

Ai as e ka idenë. Përherë të parë e dëgjoi kur Eskobarin kur i thanë që ishte ai vetë si Eskobari. Keli qesh me vete kur e dëgjon fjalën Eskobar.

Kush ka të drejtë ambasadori amerikan Donald Lu, apo avokati shqiptar Baftjar Rusi?

Më kujton librin “Brenga e Ballkanit” ku Edith Durhamin e shikon si diçka të rrallë dhe Klementin kështu e shikojnë.

Si pritet të shkojë procesi?

Ne avokatët do kërkojmë gjykim të shkurtuar dhe besojmë se çështja do mbyllet shumë shpejt. Nuk ka prova dhe jam i bindur se nuk do ketë dënim të rëndë. Kjo drogë për të cilën akuzohet Balili nuk është kapur në territorin shqiptar e as në ujërat tonë por në një ishull të shkretë të Greqisë dhe atje janë arrestuar dy persona Petro Dajlani dhe Kleanthi Lala. Ata nuk kanë përmendur emrin e Balilit. Nuk ma prova dhe do kërkojmë pafajësi deri ën fund

Si është historia e bizneseve të Balilit?

Ajo ‘Santa Quaranta’ që duket madhështore ka qenë ish kampi i punëtorëve që u rikonstrukta. Balili e bleu me ankand me çmimin për 800 mijë dollarë.

Nga I bëri 800 mijë dollarë?

Nga burime të ligjshme. Me aktivitete tregtar dhe me polici private dhe ndërtime.

Po përse u lidh politika?

Sepse ka xhelozi për Balilin. Duke qenë se kanë patur shumë vota si familje e madhe dhe lidhje pune tregtare imagjinoni te ‘Santa Quaranta’ kishte të punuar 500 persona kamerierë dhe punonjës të një biznesi kaq brilant Që u bë xheloz Greqia. Përse nuk e bëni këtë lidhje.

Vërtetë Santa Quarata është më e mirë se të tjerët por nuk bëhet xheloz Greqia për Santa Quaranta se na hoqe trurin?

2 mijë 3 mijë turistë kalonin nga Greqia në Sarandë çfarë mendonin ata? Balili dhe familja e tij në fillim i kanë shërbyer Partisë Demokratike me të gjithë vota. Më vonë te e majta dhe më vonë te LSI.

Përse ka thënë Balili se e kam me Sali Berishën?

Bëhet xheloz Berisha prandaj.

Tani Greqia xheloz, Berisha xheloz, DEA amerikane xheloze. Ore çfarë po thua?

Po si erdhi në këtë situatë. Unë nuk e di përse u bë xheloze por unë di që DEA amerikane në çdo vend të botës nuk merret me kanabis por me droga të forta.