Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Monika Kryemadhi thirrje Ilir Metës: Mos e dekreto ligjin për teatrin; ke një gabim për t’i shlyer shqiptarëve

Politiko 30 Qershor 2018, 16:30
Monika Kryemadhi thirrje Ilir Metës: Mos e dekreto ligjin për teatrin;

Kryetarja e LSI, Monika Kryemadhi i ka bërë sot thirrje Presidentit të Republikës, Ilir Meta, që të mos e dekretojë ligjin për Teatrin Kombëtar, që mazhoranca e majtë pritet të kalojë të enjten e ardhshme në Kuvend, me procedurë të përshpejtuar.

Kryemadhi kërkoi që Meta të distancohet nga ky ligj edhe për faktin se duhet tu shlyejë shqiptarëve gabimin që bëri kur pranoi koalicionin me Edi Ramën dhe zgjedhjen e tij kryeministër të Shqipërisë.

“Unë shpresoj që z.Meta ka shansin të shlyejë gabimin e tij që ju solli shqiptarëve Edi Ramën në krye kështu që besoj që duhet të gjejë forca brenda vetes së tij për ta rikthyer mbrapsht atë ligj dhe shpresoj që të distancohet dhe ai, por megjithatë kjo është në zgjidhjen e atij dhe mund t’i bëni pyetje vetë”, u shpreh kryetarja e LSI gjatë bashkëbisedimit me gazetarët.

Sa i përket projektligjit dhe vendimit të Ramës për të shembur godinën e teatrit, Kryemadhi tha:

“Projektligji i Z.Rama që ka sjellë për teatrin tregon që ëndrrat e tij në sirtar prej 20 vitesh vazhdojnë të jenë akoma por ngelen përsëri ëndrra të grabitjes të pronës publike ashtu siç ka bërë dhe kur ishte Kryetar Bashkie. Kërkon përsëri të grabisi një pronë të cilën në qoftë se e mbani mend dikur e quante pronë që mbante dhe publikonte të brendshmet e Violeta Manushit. Sot është kthyer në një godinë me radioaktivitet për shqiptarët. Është gjithmonë qesharak për hir të së vërtetës dhe tregon dhe nivelin e lartë dhe amatoresk të tij. Por ajo që dua të them është që ky projektligj nuk do të ketë shanse për të kaluar pavarësisht se numrin e votave ai e ka. Por përfitojnë nga rasti që të gjejnë mundësinë sepse edhe vetë funksionimin e Gjykatës Kushtetuese për këtë qëllim e ka bërë. Sepse nëse ky ligj do të shkonte në Gjykatë Kushtetuese automatikisht do të rrëzohej dhe do të kthehej mbrapsht.”

Të fundit