Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Mora vesh që ka ndodhur hataja, mos hajde në shtëpi”, Anila Hoxha tregon vështirësitë në terren dhe telefonatën me të atin

Politiko 19 Nëntor 2018, 08:59
“Mora vesh që ka ndodhur hataja, mos hajde në

Anila Hoxha, gazetarja e ngjarjeve të kronikës së zezë në Top Channel u vlerësua nga Unioni i Gazetarëve Shqiptare me një çmim të rëndësishëm.

Ajo u nderua tre ditë më parë me çmimin “Raportimi më i mirë i vitit 2018”.

Për të folur mbi këtë vlerësim, ajo ishte e ftuar sot në emisionin e mëngjesit në TCH, në ‘Wake up’, ku u ndal edhe në rrëfimet për vështirësitë që ka ndeshur dhe ka kaluar gjatë përvojës së saj në ngjarjet më të bujshme e tragjike që ka raportuar ndër vite.

Ajo kujton si ngjarjen më të rëndë tragjedinë e 9 janarit në 2004-ën, ku humbën jetën 28 persona.

“Në atë kohë punoja në Alsat. Mbaj mend që kur po raportoja nuk më dilnin dot fjalët, nuk artikuloja dot. Por, këto duhet t’i tejkalosh sepse je aty për të treguar se çfarë po ndodh”, u shpreh Anila.

Po ashtu, ajo rendit si një ngjarje që ka lënë gjurmë te ajo edhe tragjedinë e Himarës në 21 maj 2012, ku nga rrëzimi i një autobusi humbën jetën 13 të rinj, 11 prej tyre studente të universitetit të Elbasanit.

Ajo rrëfen telefonatën me babain, pasi një ditë më pas rastiste që të festonte ditëlindjen.

“Prindërit e mi donin të më bënin surprizë. Më telefonon babai dhe më thotë ‘mora vesh që është bërë hataja, mos hajde në shtëpi”, u shpreh gazetarja, duke theksuar se prindërit e saj bëhen gjithnjë merak si ditën e parë kur është bërë pjesë e këtij profesioni, por ndonjëherë, thotë ajo, duhet të thuash edhe gënjeshtra të bardha për hir të këtij profesioni.

Të fundit