Flash News

Shqipëria përballë rrezikut të një lufte, eksperti Softa në Politiko: Iran-Izrael, përshkallëzim që mund të ndikojë edhe sigurinë në Ballkan

Pamjet horror në Morgun e Tiranës, trupa të dekompozuar dhe me krimba! 18 trupa ‘palosen’ në dy frigoriferë me 4 vende

Korçë/ Një grua bie në kontakt me energjinë elektrike

Shqiptarja u vra nga ish-burri, vëllai: E kishte denoncuar për dhunë, askush nuk ndërhyri

Ushtria iraniane thotë se goditi qendrën e inteligjencës ushtarake izraelite në Tel Aviv

KRYESORE

Muaji i Ramazanit, rregullat e agjërimit dhe kush nuk lejohet të agjërojë; flet besimtarja myslimane

Politiko 1 Maj 2020, 17:14
Muaji i Ramazanit, rregullat e agjërimit dhe kush nuk lejohet të

Prej disa ditësh, në të gjithë botën besimtarët myslimanë janë duke agjëruar në muajin e shenjtë të Ramazanit. Në një bisedë për Politiko.al, një besimtare myslimane në Tiranë, ka treguar disa rregulla bazë të agjërimit dhe të mirat që vijnë nga ai. Si dhe ka dhënë të detajuar kush nuk mund të agjërojë dhe si mund të zëvendësohen këto ditë.

Më poshtë shkrimi nga E.Z:

Ndodhemi në muajin e shenjtë të Ramazanit ku shumë  besimtarë myslimanë janë në agjërim. Muaji i Ramazanit është muaji në të cilin ka zbritur Kur’ani, që është udhërrëfyes për njerëz dhe sqarues i rrugës së drejtë dhe dallues (i së vërtetës nga gënjeshtra). E kush prej jush e përjeton këtë muaj le të agjërojë, ndërsa kush është i sëmurë ose në udhëtim, lë të agjërojë aq ditë nga ditët e mëvonshme. Zoti  me këtë dëshiron lehtësim për ju, e nuk dëshiron vështirësi. (Të agjëroni ditët e lëna  më vonë) Që të plotësoni numrin, ta madhëroni Zotin për atë se ju udhëzoi dhe që të falënderoni.” (el Bekare:184, 185)

Edhe pse vendi ynë si shumë vende të tjera ndodhet në pandemi kjo nuk i pengon myslimanët që të mos e kryejnë obligimin e muajit të Ramazanit i cili është agjërimi .

Ata dëshirojnë t`i përmbahen thënies së Zotit në Kuran “O ju që keni besuar! Agjërimi ju është bërë detyrim juve, sikurse ka qenë detyrim për ata para jush, ashtu që të bëheni të devotshëm" [Bekare - 183]

Duke ju përmbajtur kësaj thënie në Kuran myslimanët shqiptarë - por jo vetëm - agjërojnë Ramazanin duke u larguar nga konsumimi i ushqimit dhe pijes, marrëdhënieve intime nga koha para agimit deri në perëndimin e diellit.

Krahas agjërimit, myslimanet i kushtojnë kohë dhe leximit të Kuranit, faljes specifike te Taravive . Në këtë muaj edhe bamirësia merr një vlerë më të madhe se në muajt e tjerë.

Këtë vit edhe pse Ramazani erdhi në një kohë pandemie, nuk solli pakësim të numrit të agjëruesve pasi si në kohë pandemie dhe si më parë myslimanët e kanë të qartë se në agjërim ka disa rregulla që çdo mysliman duhet t`i zbatoj edhe pse mund të ketë dëshirë të madhe të agjëroj por mundësia e tij shëndetësore nuk e lejon.

Andaj ne sot do cekim se personat e sëmurë të cilëve agjërimi ju sjell dëm në shëndet apo të  moshuarve që janë të pamundur dhe rrugëtarëve nuk u lejohet të agjërojnë, të sëmurët dhe udhëtarët mund t`i zëvendësojnë këto ditë kur të shërohen dhe kur të kthehen nga udhëtimi. Ndërsa të moshuarit që nuk agjërojnë dot dhe të sëmurët kronik ata mund të paguajnë për Ramazanin e tyre një vlerë normale ditore duke ushqyer një agjërues në nevojë.

Po ashtu dhe gratë shtatzëna nuk lejohen të agjërojnë nëse agjërimi e dëmton atë dhe beben. Ata mund t`i shlyejnë këto ditë pas lindjes deri në Ramazanin e vitit të ardhshëm ose mund të paguajnë për Ramazanin e tyre duke ushqyer një agjërues nevojtar.

Nuk lejohet të agjërojnë femrat në ditët e ciklit dhe gratë lehona dhe këto duhet t`i plotësojnë në ditët në vazhdim.

Duke ju uruar një Ramazan të lehte dhe të pranuar, shpresojmë që të ju kemi ardhur sadopak në ndihmë me informacionet tona rreth agjërimit të Ramazanit.

Të fundit