Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mund t’ju rritej paga me 200 euro, punëtorët e “Fiat” në grevë pas transferimit të Ronaldos te Juve

Politiko 11 Korrik 2018, 17:32
Mund t’ju rritej paga me 200 euro, punëtorët e

Punëtorët e kompanisë “Fiat” ende pa u transferuar Ronaldo te Juventus shprehen pakënaqësinë e tyre, pasi me shifrën e transferimit të portugezit paga e tyre mund të rritej me 200 euro.

Tani që gjithçka u bë zyrtare, me anë të një sindikate italiane punëtorët e “Fiat”, në pronësi të presidentit të Juventusit, Andrea Agnelli, kanë lajmëruar se do të bëjnë një grevë dy ditore.

Sipas “Football Italia”, një pjesë e kostos së transferimit të Ronaldos do të paguhet përmes kompanisë mëmë bardhezi “Exor”, e cila nga ana e vet zotëron “Fiat”.

Marrëveshja fitimprurëse ka shkaktuar një reagim të zemëruar nga prodhuesit e automobilave, të lidhur me “Unione Sindacale di Base”, sindikatë e cila ka lajmëruar për grevën.

“Është e papranueshme që, ndërsa punonjësit e FCA dhe CNHI vazhdojnë të bëjnë sakrifica të mëdha ekonomike, kompania pastaj shpenzon qindra-miliona euro për blerjen e një lojtari. Na thuhet se kohët janë të vështira, se duhet të përdorim rrjeta të sigurisë sociale, duke pritur për nisjen e modeleve të reja, të cilat kurrë nuk arrijnë.

Ndërsa punëtorët dhe familjet e tyre shtrëngojnë rripat e tyre gjithnjë e më shumë, kompania vendos të investoni shumë para në një burim të vetëm njerëzor. Kompania duhet të investojë në modele të makinave, që garantojnë të ardhmen e mijëra njerëzve, në vend që të pasurojnë vetëm një, teksa një kompani duhet të vendosë interesat e punonjësve të saj.

Drejtuesit, po shohim se preferojnë botën e futbollit, argëtimin dhe gjithçka tjetër. Për arsyet e përshkruara më lart, “Unione Sindacale di Base” ka deklaruar një grevë në “FCA Melfi”, në orën 10:00, të dielën, më 15 korrik, dhe të martën, më 17 korrik”.

Siç është raportuar nga Patricia Terroba e “Marca”, familja Agnelli, e cila zotëron 63.77 për qind të aksioneve të Juventusit, gjithashtu zotëron 29.8 për qind të konglomeratit, ku “Fiat” dhe “Ferrari” janë pjesë. Pronari i Juventusit, Andrea Agnelli, iu drejtua “Fiat” për të financuar “operacionin Ronaldo” dhe, sapo zbuluan se ishte e mundur, falë fondeve të grupit, ata i thanë po portugezit.

Të fundit