Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mustafa Nano rrëfen historinë e emrit të tij: Kam menduar ta ndryshoj

Politiko 22 Shkurt 2018, 19:18
Mustafa Nano rrëfen historinë e emrit të tij: Kam menduar ta

Gazetari Mustafa Nano ka rrëfyer historinë e emrit të tij. Ai tha se fillimisht, kur nisi të shkruante, njerëzit besonin se ai ishte një emër i sajuar.

“Kur nisa të shkruaja isha 37 vjeç dhe ishte një moshë e mirë. Në atë moment vendosa të shfaqem vetëm me emër, por pastaj u përhapën televizionet dhe më vinin ftesa të ndryshme dhe unë nuk i rezistova dot. Ky është një nga pengjet që kam, do kisha ngelur vetëm si emër Mustafa Nano. Dhe për më tepër fillimisht emri im duket si i sajuar sepse Nano ngjan si mbiemër i krishterë, ndërkohë emri është mysliman dhe e merrnin për pseudonim njerëzit. Madje edhe Ramiz Alia që ka qenë një nga të parët që më ka bërë një telefonatë dhe më pyeti: Emër i vërtetë është ky? Pra, nuk e besonte njeri”, tha Nano në studion e Rudina Magjistarit.

Më tej, ai ka treguar historinë e emrit të tij teksa u shpreh se dikur ka menduar ta ndryshoj.

“Historia e emrit është që kam ngjallur gjyshin. Fillimisht mamaja ime bashkë me babain kishin menduar emrin Fatos dhe unë do isha Fatos Nano, do kishim dy Fatos Nano. Pastaj gjyshja kishte emrin e burrit dhe të babait Mustafa dhe kërkonte me këmbëngulje t’iu bëhej një homazh. Mamaja ime nuk donte, por babai im vendosi të mos ia prishte nënës.

Unë kam një raport shumë të keq me emrin dhe dikur kam menduar ta ndryshoj, por tani të gjithë e dinë që jam ky. Këtë e kam menduar kur fillova të shkruaja. Shoqja ime më thotë gjithmonë: Një nga elementët e sharmit tënd qëndron tek emri. Unë kam patur më shumë kompleksin e prezantimit me këtë emër jashtë, por jam pritur mirë”, tha Nano.

 

Të fundit