Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Na duhet shtet jo partiak”, Manjani: Dy vendimet urgjente që duhet të marrë Basha

Politiko 20 Shtator 2020, 08:39
“Na duhet shtet jo partiak”, Manjani: Dy vendimet urgjente që

Ish-ministër i Drejtësisë, Ylli Manjani shprehet se nevoja për shtet jo partiak është më e madhje që kemi sot në vendin tonë.

Teksa mbështet të gjitha pikat e prezantuara nga Lulzim Basha për programin e tij qeverisë, Manjani thekson se ka më shumë gjëra për të bërë, mirëpo na duhet të ndërtojmë shtetin jo partiak.

Sipas Manjanit kjo kërkon si fillim 2 vendime emergjente:

1. Lejimin e plotësimit të vakumeve në sistemin e drejtësisë.

2. Shpalljen e mosnjohjes e mos zbatimit të të gjitha ligjeve që ka miraruar parlamenti monist i dy viteve të fundit.

Postimi i plotë i Manjanit:

Nevoja për shtet jo partiak është më e madhja që kemi

========

Jam krejt dakort me ato pika që parashtroi Lulzim Basha, përgjatë prezantimit të Tij si kandidat për Kryeministër.

Taksa e sheshtë 9%; ekonomi konkurruese antimonopol; mbyllje të praktikave pa hesap të PPP e koncensione; prona private e të gjitha këto janë tema që nuk ka përse të mos mbështeten parimisht. Mbetet për t'u parë se si konkretisht do realizohen, por në parim unë i mbështes.

Mirëpo ngrehina e kalbur e Republikës sonë ka rënë. Është shembur dhe duhet ngritur nga e para. Natyrshëm, ka më shumë gjëra për të bërë. Shuuuuuuumë më tepër.

Reforma e pushtetit që mund të kulmojë me tranformimin e Parlamentit në dy dhoma është interesante. E domosdoshme madje sepse mund ti hapte rrugë më shumë demokracisë por pa cënuar vazhdimësinë dhe cilësinë qeverisëse.

Edhe kufizimi i mandatit të një personi që kryen detyrën e Kryeministrit (pra jo më shumë se dy mandate) e kam propozuar herët si ide dhe sot veç e mbështes me shumë qejf realizimin e saj. Amerikanët nuk janë budallenj që nuk e lejojnë Presidentin në zyrë më shumë se dy mandate.

Mirëpo na duhet të ndërtojmë shtetin JO PARTIAK. Që të jem i qartë shtet konsideroj ekskluzivisht këto institucione:

1. Gjykatat,

2. Prokurorinë,

3. Policinë,

4. Ushtrinë,

5. Burgjet,

6. Inspektoriatet,

7. Shkollat e të gjitha niveleve, universitetet dhe institucionet edukuese e shkencore

8. Spitalet dhe institucionet e shëndetit publik e qëndrat shëndetësore.

9. Kadastrën, administratën që ofron shërbime publike, audituesit dhe punonjës të shërbimeve mbështetëse.

10. Entet Rregullatore dhe institucione të tjera mbikqyrëse.

11. Institucionet financiare dhe fiskale.

12. INSTAT dhe shërbime publike të informimit.

13. Shërbimi diplomatik.

Në të gjitha këto institucione PARTITË POLITIKE NUK KANË PUNË. As emërojnë njerëz në to e as përcaktojnë axhendën e tyre.

Partitë kur marrin pushtetin hartojnë politika të cilat i normojnë në formë aktesh. Aktet kur kalojnë testin e legjitimitetit nga Gjykata, zbatohen nga administrada.

Por asnjë parti nuk drejton e emëron administradën. Në këtë kuptim them që partitë nuk kanë asnjë punë.

Po asnjë punë fare!

Kjo është kryereforma që na çon drejt ndërtimit të shtetit të ri, krejt i ndryshëm nga sa jemi mësuar deri më sot.

Por kjo kërkon si fillim 2 vendime emergjente:

1. Lejimi e plotësimit të vakumeve në sistemin e drejtësisë.

3. Shpalljen e mosnjohjes e mos zbatimit të të gjitha ligjeve që ka miraruar parlamenti monist i dy viteve të fundit.

Nuk bëhet dot shteti jo partiak me ligjet e njërës parti!

Kuptohet, nëse qëllimi është ndërtimi i shtetit jo partiak.

Sigurisht detaje rreth kësaj teme ka plot, por për mua ndërtimi i shtetit jo partiak është ajo që të gjithë pa përjashtim kemi nevojë.

Pa shtet pushteti bën qejf. Këtë mësim besoj e kemi mësuar.

Kush do të bëjë dallimin politik, duhet të punojë për ndërtimin e shtetit dhe për ta ndarë atë nga punët e pushtetit të partive.

Përndryshe, skenari hajde të marrim pushtetin e ta ndajmë është film që njerëzit e kanë parë...

Të fundit