Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nano: Mos-hetimi i zyrtarëve të administratës më të korruptuar në historinë e shtetit, provë që Prokuroria është vegël e Ramës

Politiko 26 Mars 2019, 20:46

Nano: Mos-hetimi i zyrtarëve të administratës më të

Analisti Mustafa Nano në monologun e mbrëmjes së sotme në Provokacia, u shpreh se përpara thirrjes së Bashës në Prokurori duheshin thirrur kreu i qeverisë ose ndonjë ministër, pasi sipas tij, janë ata që mbajnë qesen e parave publike prej 6 vitesh dhe janë ata që kanë abuzuar me shpenzimet.

Nano shtoi se mos-hetimi i asnjë zyrtari të lartë të administratës më të korruptuar në historinë e shtetit shqiptar është provë e qartë që Prokuroria është vegël e Ramës.

Monologu i Mustafa Nanos:

Prokuroria ka thirrur Lulzim Bashën për disa pagesa të çuditshme të bëra gjatë zgjedhjeve të fundit, të cilat nuk figurojnë në listën e shpenzimeve të bëra gjatë fushatës nga kjo parti. Bëhet fjalë për 650 mijë dollarë të përdorura për lobim. Dhe prokuroria ka bërë shumë mirë që e ka thirrur Bashën. Kjo punë duhet sqaruar dhe hetuar. Ne duhet të marrim vesh se nga kanë dalë këto 650 mijë dollarë, në dorën e kujt kanë shkuar, dhe për ç’qëllim i janë dhënë atij që i janë dhënë. Prandaj, përsëris, bravo prokuroria. Ju lumtë!

Mirëpo, një pyetje lind: Bashën gjetën këta për të thirrur të parin? Në rrethanat që ca njerëz të tjerë mbajnë prej 6 vitesh nën kontroll qesen e parave publike dhe i kanë shpenzuar këto para në mënyrën më abuzive të mundshme, pritej nga prokurorët të thërrisnin një prej ministrave të qeverisë, apo vetë kryeministrin. Dhe në këtë rast fjalën “abuzive” nuk është se e lëshoj kuturu. Jo, abuzimi është i provuar. Më i fundit është ai i investimit te Unaza e Re, ku abuzimi doli sheshit. Dhe nuk është ndaluar askush nga prokuroria. Madje, as që kemi ndonjë informacion se çfarë bëhet me hetimin e kësaj bëme korruptive spektakolare.

Por ky është vetëm një rast. Rastet e përdorimit abuziv të pushtetit nga kjo maxhorancë e nga ky kryeministër janë të pafundme. Mjaft të përmendim faktin që nuk ka një tender, në të cilin oferta fituese të mos jetë e barabartë, ose pothuajse e barabartë, me shumën e vlerës limit të përcaktuar nga Agjencia e Prokurimit Publik. Pothuajse në të gjitha rastet pra, nëse vlera e fondit limit është iks lekë, oferta fituese është iks minus ca qindarka. Dhe nuk ka asnjë hetim për tenderime të tilla, të paktën për të na thënë që plasini sytë, nuk ka asnjë provë korrupsioni, thjesht biznesmenët, që të gjithë biznesmenët që konkurrojnë, janë magjistarë, që i bien në kokë, pam, shumës së vlerës limit të investimit.

Të hetosh Bashën është OK, pasi Basha e ka zakon abuzimin, gjë që e ka treguar me kohë, por në të njëjtën kohë të mos hetosh Edi Ramën, të mos hetosh asnjë zyrtar të lartë të kësaj administrate, e cila është më e korruptuara në historinë e shtetit shqiptar dhe për këtë nuk ka nevojë për prova, ky është një fakt që dihet ashtu si dihet që Edi Rama e ka shtëpinë në Surrel, të mos hetosh pra asnjë zyrtar të lartë të kësaj qeverie është një pesë me hiç. Hetimi i Bashës në këtë rrethanë është një poshtërsi, është një lojë politike. Hetimi i Bashës, për mua, edhe pse duket se është një hetim i drejtë, pasi edhe këtu abuzimi duket sheshit, është megjithatë prova më e qartë se kjo prokurori është vegël qorre në duar e Edi Ramës.