Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Nard Ndoka: Jo Z.Kryeministër, i vetmi fajtor sot jeni Ju! Vettingu duhej të fillonte me votë kundër jush, qeverisë dhe arrogancës tuaj!

Politiko 1 Shtator 2017, 13:35

Nard Ndoka: Jo Z.Kryeministër, i vetmi fajtor sot jeni Ju! Vettingu duhej

I ashpër ka qenë sot reagimi i aleatit të PD-së, Nard Ndoka, i cili do të ulet në Kuvendin e ri si deputet i Shkodrës, i dalë nga listat e PD-së. Ai ka reaguar ndaj drejtësisë shqiptare, duke marrë shkas nga ngjarja e djeshme ku u vra një gjyqtare. Sipas tij në këtë vend nuk ka shtet dhe ka nevojë për një vetting mbarëpopullor. Ndërsa i drejtohet Ramës dhe qeveritarëve, Ndoka, si zakonisht, me humorin që e karakterizon, nuk i kursen batutat.

Ai ka edhe një mesazh për opozitën kur thotë: “Opozita duhet të ngrihet nga gjumi, duke e filluar vettingun me veten dhe t’i prijë revolucionit kulturor e politik me modele europiane”.

Ja statusi i Ndokës në rrjetin social:

“Kërkohet ‘Vetting’ mbarëpopullor!

Virusi qeveritar tashmë ka hyrë kudo e ngado, çdo gjë që ndodh në këtë vend “fajin” e ka drejtësia!

Ka krim në rrugë, fajin e ka drejtësia, ka krim në familje, fajin e ka gjykata, ka vjedhje, ka drogë, ka korrupsion, ka dhunë, ka çoroditje kolektive dhe fajin përsëri e përsëri e ka drejtësia.

Këtu nuk ka shtet, nuk ka qeveri, nuk ka institucione, nuk ka kulturë, nuk ka ndjeshmëri, nuk ka përgjegjësi, nuk ka moral, por ka një sistem drejtësie njësoj apo më të mirë se të gjitha këto të marra sëbashku.

Këtu ka drogë, se shteti është i lidhur drejtperdrejtë me të, drejtesia pengohet nga pushteti!

Këtu ka dhunë dhe krim në familje, por drejtësia pengohet nga pushteti!

Nje dhunues nuk mund të bashkëjetojë në të njejtën strehë me viktimënë drejtesia thotë jo, por pushteti thotë po, se nuk krijon asnjë mundësi ligjore!

Këtu ka korrupsion, se kryeministri krijon mundësite dhe ndan tepsinë! Ka drejtesi, por kryeministri emëron dhe voton gjygjtarët, shantazhon drejtësinë.

Drejtësia është kthyer në alibi, për kryeministrin, për mediat, për portalet, për protoganistët që rrinë me dhembë të mprehtë për të lançuar dhe ngrënë këdo me stilin e tyre!

Drejtësia është më e mirë se Presidenti, Kryeministri, Ministrat, Kuvendi, Policia dhe çdo institucion tjetër, madje është më e mirë edhe se Avokati i Popullit!

Vetting institucional duhet kudoë reformë institucionale, revolucion kulturor, mentalitet e reagim qytetarë duke ju referuar të tjerëve që kanë bërë hapa emancipues në politikbërje e kudo.

Kryeministri ynë takon Merkelin, por kopjon dhe standartizon modelin e Erdoganit në qeverisje!

Kryeministri kërkon “vetting” për gjygjtarët, por riemëron ministrat më të korruptuar në pluralizëm!

Kryeministri kërkon “vetting” për drejtesinë, por nuk lejon hapësirë kontrolluese për opozitën, as në Kuvend me komisionet parlamentare!

Kryeministri thotë per çdo gjë që nuk shkon mirë në këtë vendë se fajin e ka vettingu dhe drejtesia!

Jo Z.Kryeminister, i vetmi fajtor sotë se pse nuk ka shtet në këtë vend, jeni Ju!

Vettingu duhej të fillonte me votë kundër jush, kundër qeverisë Tuaj, kundër arrogancës Tuaj!

Por ju i bletë votat, e bletë vettingun, ndaj na duhet të reflektojmë dhe të reagojmë fort me revolucion kulturor mbarëpopullor!

Drejtesia është vetëm një hallkë, një pushtet, që nuk mund të pastrohet kurrë, përderisa politika dhe vota në këtë vend të jetë e lirë!

O pika që nuk ju bie të gjithëve! Ju që drejtoni dhe atyre qe ju votojnë duke ju marrë lekët që ju keni vjedhur!

Që të jem në rregull me veten dhe me ato që janë shumicë e pastër në këtë vend, nuk mund ta përjashtoj veten nga balta që bllokon çdo gjë në këtë medemek shtet!

Opozita përfaqëson sot, votën më të pastër në historinë e pluralizmit, votë morale, që i rezistoi joshjes me para, presionit qeveritar, dhunës të grupeve kriminale!

Ndaj Opozita duhet të ngrihet nga gjumi, duke e filluar vettingun me veten dhe t’i prijë revolucionit kulturor e politik me modele europiane!”