Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Natyra thelbësore e luftës nuk ndryshon”, James Mattis vë në dyshim teorinë e tij për shkak të inteligjencës artificiale

Politiko 20 Shkurt 2018, 10:50
“Natyra thelbësore e luftës nuk ndryshon”, James Mattis

Inteligjenca artificiale dhe impakti i saj mbi armët në të ardhmen kë vënë në dyshime ministrin amerikan të Mbrojtjes, James Mattis mbi vetë teoritë e tij për luftën.

I pyetur të shtunën mbi impaktin që inteligjenca artificiale do të kishte në të ardhmen mbi konfliktet e armatosura, ish-gjenerali i Marinës zhvilloi një seancë të improvizuar të teorisë së luftës për gazetarët që e shoqëronin në turin e tij një javor në Evropë.

Duke kujtur botimet e tij, ai dalloi natyrën thelbësore të luftës, që është  e pandryshueshme sepse është njerëzore, nga karakteri i saj që është i ndryshueshëm.

“Natyra thelbësore e luftës është (…) armatimi, teknologjia, guximi, aftësia, integrimi i aftësive, frika, burracakëria të gjitha këto gjëra i japin një natyrë thelbësore luftës, që është shumë e paparashikueshme”, shpjegoi Mattis në avionin që po e dërgonte në Uashington.

“Karakteri i luftës ndryshon gjithë kohën. Një gjerman i vjetër që ka vdekur e quante një kameleon, sepse ndryshon për t’iu përshtatur kohës, teknologjisë, terrenit”, shtoi ai duke i’u referuar teoricienit të shekullit XVIII, Carl von Clausewitz.

Mattis shpjegoi se sot, dronët pilotohen në distancë, por nesër, armët mund të mësojnë vetë, të përshtaten dhe të vetaktivizohen.

“Arma më e famshme në arsenalin tonë është avioni pa pilot. Nuk ka asnjë njeri në kabinë, por ekziston dikush që e drejton, dikush që qëndron pas shpinës së tij (…) për më tepër janë ata që hedhin informacionet, ata që vendosin për ta pajisur me bomba, kamera mbikëqyrjeje”, vazhdoi ministri amerikan.

“Nëse një ditë do të arrijmë në pikë që do të jemi krejtësisht në pilotim automatik, ne do të jemi të gjithë spektatorë. Kjo nuk do t’i shërbejë më një objektivi politik. Dhe një konflikt është një problem social, që kërkon zgjidhje sociale, zgjidhje njerëzore”, theksoi Mattis.

“Nuk mund t’i përgjigjem pyetjes tuaj. Por është e sigurt që vë në dyshim postulatin tim fillestar mbi natyrën thelbësore të luftës që nuk ndryshon. Sot, duhet të dyshohet për këtë”, përfundoi ai.

Të fundit