Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ndahet nga jeta në moshën 72-vjeçare ish-kreu i Gjykatës së Lartë dhe Ministër i Drejtësisë, Thimio Kondi

Politiko 26 Gusht 2020, 08:42

Ndërron jetë në moshën 72-vjeçare konstitucionalisti, avokati, ish-kreu i Gjykatës së Lartë dhe njëherazi ish-Ministri i Drejtësisë, Thimio Kondi.

72-vjeçari iu nënshtrua një ndërhyrje kirurgjikale, pas të cilës nuk mundi të mbijetojë. Konstitucionalisti ka ruajtur postin kreut të Gjykatës së Lartë në vitet 1997-1999.

Mësohet se, Kondi ishte i diplomuar në Fakultetin e Drejtësisë në Tiranë në vitin 1977. Nga viti 1978 deri në vitin 1982, ka ushtruar detyrën Gjyqtar në Gjykatën e Rrethit Gjyqësor Fier.

Në vitet 1982-1990 ka ushtruar detyrën si specialist në Sektorin e Studimeve në Gjykatën e Lartë dhe gjatë viteve 1990 – 1992 ka qenë Drejtor i Drejtorisë së Studimeve në Ministrinë e Drejtësisë. Në vitet 1995 – 1997 ka ushtruar profesionin e avokatit pranë Qendrës Shqiptare të Të Drejtave të Njeriut.

Në vitet 1992 – 1994 ka ushtruar funksionin e Gjyqtarit në Gjykatën Kushtetuese. Në vitet 1997 – 1999 ka ushtruar detyrën Ministër i Drejtësisë.

Në vitet 1999 – 2008, Z. Kondi ka ushtruar detyrën Kryetar i Gjykatës së Lartë. Gjatë viteve 1999 – 2008 Z. Kondi ka ushtruar funksione dhe detyra ex-officio të tilla si Anëtar i Këshillit Të Lartë Të Drejtësisë, Kryetar i Bordit Drejtues të Shkollës së Magjistraturës, Kryetar i Konferencës Gjyqësore Kombëtare. Gjatë viteve 2008- 2013 ka ushtruar profesionin si Avokat.

Kondi ishte Anëtar i Bordit Këshillimor të Shoqatës Ndërkombëtare për Administrimin e Gjykatave.

[caption id="attachment_408676" align="alignleft" width="254"] Kondi gjatë Konferencës së Kryegjyqtarëve të Evropës Qendrore dhe Lindore// 23 maji, 2012//[/caption]

Të fundit