Flash News

GJKKO lë në burg Ilir Metën

Udhëheqësi Suprem i Iranit reagon për herë të parë pas konfliktit me Izraelin

Gjenden dhe asgjësohen mijëra rrënjë kanabis në Shkodër, 4 të proceduar

Efekti zgjedhje, punësimi në shtet arrin rekord në 3-mujorin e parë

EMRI/ Sekuestrohen pasuritë e biznesmenit në Gjirokastër! Si e denoncoi Berisha në 2019

NDËRKOMBËTARE

Ushtria izraelite publikon gabimisht vendodhjet e bazave sekrete

Politiko 24 Mars 2021, 12:18

Ushtria izraelite publikon gabimisht vendodhjet e bazave sekrete

Ushtria izraelite ka publikuar gabimisht në faqen e saj të internetit një hartë  me vendndodhjet e bazave sekrete në të gjithë Izraelin.

Gabimi ndodhi kur Komanda e Frontit të Brendshëm të ushtrisë ngarkoi një hartë të objekteve të testimit të koronavirusit në të gjithë vendin, duke përfshirë vendet në bazat ushtarake.

Harta tregoi jo vetëm qendrat e testimit COVID-19 në komunitetet rezidenciale në të gjithë vendin, por gjithashtu, dhe objektet e IDF përfshirë bazat e Forcave Ajrore të Izraelit dhe të Inteligjencës Ushtarake.  Niveli i detajeve në hartë bëri të mundur jo vetëm identifikimin e vendndodhjes së këtyre bazave ushtarake, por edhe kufijtë e saktë të tyre, si dhe emrat e bazave ushtarake.

Ushtria izraelite publikon gabimisht vendodhjet e bazave sekrete

Ushtria izraelite normalisht nuk lejon botimin e një informacioni të tillë, nga frika se do të përdoret për të mbledhur informacione sekrete ose për të sulmuar bazat e tij gjatë një lufte.

Ushtria e mbajti hartën, e cila u krijua në bashkëpunim me Ministrinë e Shëndetësisë, të disponueshme për publikun derisa të alarmohej për gabimin nga gazeta izraelite Haaretz.

Njësia e Zëdhënësit të ushtrisë izraelite konfirmoi për Haaretz se ky informacion u botua gabimisht dhe se ai u hoq nga faqja e internetit. Në një deklaratë, ajo shtoi se harta është nga "një faqe interneti civile që ofron shërbime publike globale për t'i bërë hartat të arritshme në të gjithë botën dhe në Izrael. Shënimi i kampeve dhe bazave të IDF nuk u bë nga ushtria, por u kopjua nga harta ekzistuese në faqen e internetit. "

Burimi: Haaretz

Të fundit