Ndërron jetë një pacient në Spitalin Infektiv, bartës i Covid-19, por asimptomatik

Një 88 vjeçar ka ndërruar jetë mbrëmjen e sotme në Spitalin Infektiv. Ministria e Shëndetësisë njofton se i moshuari ishte i prekur nga Covid-19, por jo me simptoma të infeksionit.

Po ashtu ministria sqaron se 88 vjeçari nga Tirana ka ndërruar jetë për shkak të arrestit kardiak nga insuficienca kardio-respiratore.

“Ndërron jetë 88 vjeçari në spitalin infektiv, asimptomatik nga covid19. Referuar shërbimit infektiv, shkaku i humbjes së jetës ishte si pasojë e arrestit kardiak nga insuficienca kardio-respiratore. I moshuari ishte bartës i COVID19, por asimtomatik për sëmundjen.

88 vjeçari vuante nga insuficienca renale kronike, stadi I katërt, diabet, hipertension, anemi grave”, njofton ministria.