Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndryshimet kushtetuese/ Eurodeputetët përforcojnë mesazhin ndaj qeverisë shqiptare: Jo negociata, pa konsensus mes të gjitha palëve

Politiko 17 Korrik 2020, 10:21

Dje, Parlamenti Evropian pasi përcolli një mesazh të fortë për qeverinë dhe Kuvenin shqiptar, teksa i bënte thirrje të respektojnë marrëveshjen e 5 Qershorit, çuditërisht disa orë më vonë, afër mesnatës mesazhi i tre eurodeputetëve u fshi nga faqja e parlamentit.

Deklarata e përbashkët e eurodeputetëve David McAllister, Isabel Santos dhe Manolis Kefalogiannis, i kërkonte Kuvendit dhe qeverisë Rama që mos dëmtojnë konsensusin e arritur me opozitën, por të miratojnë marrëveshjen e 5 qershorit pa ndryshime kushtetuese, por u fshi disa orë pas publikimit.

Nuk dihet ende përse u ndërmor një vendim i tillë, por në deklaratën e tyre eurodeputetët e kaheve të majta dhe të djathta në Parlamentin Europian ishin mjaft kritikë dhe të prerë, teksa theksonin se çdo modifikim i kësaj marrëveshje pa konsensus rrezikon Konferencën e Parë Ndërqeveritare për integrimin drejt BE.

Megjithatë, këtë mëngjes Parlamenti Evropian e publikon sërish mesazhin e 3 eurodeputetëve me disa ndryshime.

Deklarata e ndryshuar vetëm në një paragraf rrit rëndësinë e gjetjes së konsensusit mes palëve dhe kushtëzon negociatat me ndryshime që vijnë vetëm përmes konsensusit. Dje thoshte ”rrezikon që të ndodhë”, pra, ka një mundësi që edhe mund të ndodhë dhe të hapen. Sot thotë “duhet konsensus në mënyrë që të nisin negociatat”.

(Ndryshimet dje dhe sot)

DJE

Çdo modifikim i Marrëveshjes pa arritur një konsensus me të gjitha partitë politike, mund të rrezikojë realizimin e Konferencës së Parë për negociatat e anëtarësimit, dhe për rrjedhojë të ngadalësojë procesin e integrimit europian.

SOT

Është e rëndësshme të arrihet një marrëveshje, duke ruajtur dialogun dhe konsensusin mes të gjitha palëve politike, në mënyrë e konferenca e parë për negociatat e anëtarësimit të mund të mbahet dhe kështu të vazhdojë procesi i integrimit europian.

Deklarata e sotme:

Ne presim që shumica parlamentare të miratojë ndryshimet e nevojshme pa dëmtuar konsensusin e arritur midis qeverisë dhe opozitës më 5 qershor. Është e rëndësishme të arrihet një marrëveshje, të ruhet dialogu dhe konsensusi me të gjitha partitë politike, në mënyrë që të mund të thirret konferenca e parë për negociatat e anëtarësimit, dhe për këtë arsye të vazhdojë procesin e integrimit evropian.

Çdo vend është i lirë të vendosë dhe përmirësojë sistemin e tij zgjedhor sipas kontekstit kombëtar dhe konsensusit. Sidoqoftë, praktikat më të mira ndërkombëtare rekomandojnë që çdo ndryshim në sistemin zgjedhor duhet të bëhet në mënyrë gjithëpërfshirëse dhe transparente duke filluar të paktën një vit para zgjedhjeve të ardhshme të planifikuara. Ne besojmë se Shqipëria do t’i respektojë këto rekomandime dhe do të punojë më tej drejt arritjes së rezultateve të qëndrueshme në fushat kryesore të reformës.

Parlamenti Evropian është i përkushtuar të mbështesë Shqipërinë në rrugën e saj të integrimit evropian dhe është i gatshëm të punojë me Parlamentin shqiptar në lehtësimin e dialogut dhe ndërtimin e konsensusit mbi reformat thelbësore në fushat e demokracisë, sundimit të ligjit dhe përgjegjshmërisë që janë të domosdoshme për BE-në e vendit të ardhmen”.

Shqipëria paraqiti kërkesën e anëtarësimit në 2009 dhe iu dha statusi i kandidatit në vitin 2014. Këshilli vendosi të hap negociatat e pranimit me Shqipërinë dhe Maqedoninë e Veriut më 25 mars 2020, pas propozimeve të Komisionit për një metodologji të rishikuar të zgjerimit.

Në qershor të vitit 2020, Komisioni paraqiti projekt kornizat e negociatave që, pasi të jenë finalizuar, do të përdoren për të negociuar pranimet në BE të dy vendeve të Ballkanit. Shtetet Anëtare të BE-së duhet të miratojnë këto dokumente dhe Kryesia e Këshillit do t’i paraqesë ato në fillimin e negociatave të pranimit. Publikimi i raporteve të zgjerimit të Komisionit Evropian për vitin 2020 është shtyrë deri në vjeshtë për shkak të pandemisë COVID-19.

Deklarata e djeshme:

Ne presim që shumica parlamentare të miratojë ndryshimet e nevojshme pa dëmtuar konsensusin e arritur midis Qeverisë dhe Opozitës më 5 qershor. Çdo modifikim i Marrëveshjes pa arritur një konsensus me të gjitha partitë politike, mund të rrezikojë realizimin e Konferencës së Parë për negociatat e anëtarësimit, dhe për rrjedhojë të ngadalësojë procesin e integrimit europian.

Çdo vend është i lirë të vendosë dhe përmirësojë sistemin e tij zgjedhor sipas kontekstit kombëtar dhe konsensusit. Sidoqoftë, praktikat më të mira ndërkombëtare rekomandojnë që çdo ndryshim në sistemin zgjedhor duhet të bëhet në mënyrë gjithëpërfshirëse dhe transparente, duke filluar të paktën një vit para zgjedhjeve të ardhshme të planifikuara. Ne besojmë se Shqipëria do t’i respektojë këto rekomandime dhe do të punojë më tej drejt arritjes së rezultateve të qëndrueshme në fushat kryesore të reformës.

Parlamenti Evropian është i përkushtuar të mbështesë Shqipërinë në rrugën e saj të integrimit evropian dhe është i gatshëm të punojë me Parlamentin shqiptar në lehtësimin e dialogut dhe ndërtimin e konsensusit mbi reformat thelbësore në fushat e demokracisë, sundimit të ligjit dhe përgjegjshmërisë (llogaridhënies) së institucioneve që janë të domosdoshme për të ardhmen europiane të Shqipërisë.