Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndryshimet në Kodin Penal, deputetja refuzon seancën: Rilindja voton maskaradën më të madhe në historinë e parlamentarizmit

Politiko 16 Prill 2020, 12:35

Ndryshimet në Kodin Penal, deputetja refuzon seancën: Rilindja voton

Deputetja Fatjona Dhimitri ka kundërshtuar jo vetëm ndryshimet që pritet të votohen sot në Kuvend për Kodin Penal, por edhe seancën plenare që zhvillohet në kushte të pazakonta prej pandemisë Covid-19.

Shkak është bërë koha e limituar që u është vënë në dispozcion disa prej deputetëve për seancën e sotme.

Sipas Dhimitrit, grupi i Rilindjes voton sot ‘maskaradën më të madhe në historinë e parlamentarizmit , atë të shkeljes së të drejtave dhe lirive themelore te njeriut , përmes shtesave të panevojshme në Kodin Penal’.

“Neveri për axhendën e ngjeshur të seancës plenare të 16 prillit 2020. Demokracia e Shqipërisë në rrezik. As në ditë normale nuk ka ndodhur të kalojnë kaq shumë nisma me një limit kohor diskutimi.

Në situatën në të cilën Shqipëria gjendet prej përhapjes së pandemisë globale Covid -19, vendin e diskutimeve për shifrat propaganduese të testimit të popullsisë, apo mungesen e planit të ringritjes së ekonomisë së vendit, e zënë çështjet të cilat mazhoranca mezi pret ti kalojë me procedurë të përshpejtuar parlamentare, duke e pozicionuar Kuvendin drejt shkeljeve të mëdha proceduriale e kushtetuese.

Qeveria e autoblindave e cila haptazi vonoi për të shpallur gjendjen e fatkeqësise natyore edhe kur rastet me Covid-19 shtoheshin si kërpudhat pas shiut, realizonte një minimum testimesh të popullsisë dhe aspak në raport me masat që propagandonte, e për me tepër vijonte të tregtonte maska të skaduara duke vënë në rrezik jetën e qytetarëve.

Sot, duke përfituar prej gjendjes së jashtëzakonshme , grupi i Rilindjes me padurim po pret të votojë maskaradën më të madhe në historinë e parlamentarizmit , atë të shkeljes së të drejtave dhe lirive themelore te njeriut , përmes shtesave të panevojshme në Kodin Penal.

Kasta e Juristeve të Rilindjes duhet ta kuptojë që nuk mund të ndërhyjë në Kodin Penal me procedurë të përshpejtuar, referuar ( Nenit 83 pika 3 e Kushtetutes, Neni 81 gërma d)

Pavarësisht kundershtimeve të 30 organizatave, të ekperteve ligjorë më me ekperiencë në Shqipëri, akademikeve, profesorëve në univeristete, Kryeministri duket se nuk ndalon në marshimin e tij drejt llumit kushtetues.

Shtesa të tilla të panevojshme në Kodin Penal dhe të pakonsultuara me grupet e interesit i mbivendosen frikës dhe panikut që shqiptarët e izoluar po kalojnë në këto ditë karantinimi.

Referuar amendimeve ka gjasa të hidhen themelet e një burgu të ri i cili do të presë të karantinuarit që nuk i binden urdhërit të Kryeministrit.

Ndërgjegjësimit dhe sensibilizimit të popullsisë nuk i nevojten marshimet e ushtrise me tanke dhe mitralozë, as retorika e ashpër e politikës qeverisëse, as propaganda spekulative e shpërndarjes së ndihmave në çdo familje, aty ku ndihmat u shpërndahen militanteve të Rilindjes, apo heshtja në ato fshatra ku nuk ka shkelur këmbë pushtetari, për të vijuar më tej me papërgjegjshmërinë humane kur mendojmë që ende shumë njerez të prekur prej tërmetit të 26 nëntorit vijojnë të jenë në qiell të hapur si dhe të ekspozuar ndaj rrezikut të pandemisë”, shkruan Dhimitri në profilin e saj në rrjetet sociale.