Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ndryshimet në Prokurori, Hajdari: Unioni i Prokurorëve i përdorur politikisht, veglat qorre të Llallës do kalojnë në vetting

Politiko 11 Janar 2018, 18:00

Shkëlqim Hajdari, ish-drejtues i Prokurorisë së Apelit të Tiranës dhe kryetari i Shoqatës së Prokurorëve i ftuar në Report Tv ka komentuar lëvizjet e fundit të Kryeprokurores së Përkohshme Arta Marku.   Ai ka theksuar gjendjen e vështirë në të cilën Marku e gjeti Prokurorinë, dhe sipas tij Unioni i prokurorëve është një nga gjërat më të pista që ka përdorur politika.

"Duhet të themi çfarë gjendje ka gjetur Marku. Deri kur dhashë dorëheqjen, unë u vura në pamundësi për të ushtruar detyrën e prokurorit. Isha kryetar i shoqatës së prokurorëve dhe drejtues i Apelit. Unë bëra një sondazh pa autoritetin e Llallës, ku iu bëmë pyetjen: Si e shikoni Prokurorinë? Pas testimit 90% e prokurorëve donin reformim.

Unioni i Prokurorëve është një ndër gjërat më të pista që ka përdorur politika, duke iu mbyllur zërin prokurorëve për reformën në drejtësi. Është krijuar natën në vitin 2016.

 Atë e krijoi Adriatik Llalla  i cili është është në çdo centimetër për të bllokuar reformën në drejtësi. Ai nuk e ka dashur kurrë reformën në drejtësi. Llalla, dy garancitë që ishin fituar me shumë mund në 2009, nuk i zbatoi asnjë ditë. Ka shkarkuar e lëvizur prokurorë pa asnjë lloj arsyetimi apo studimi. Këto janë një seri shkeljes, që kanë të bëjnë me funksionin administrativ të kryeprokurorit. Tani gjithë njerëzit, veglat qorre të Llallës, do kalojnë në Vetting. Këtë situatë ka gjetur Marku, kur ka marrë drejtimin e Prokurorisë së Përgjithshme", deklaroi Hajdari.

Hajdari foli dhe për përplasjet mes Arta Markut dhe kryeprokurorëve të larguar prej saj duke u shprehur se Marku nuk e ka shkelur ligjin.

“Nuk ka prononcim kundër Markut nga faktori ndërkombëtar, sepse e njohin shumë mirë situatën. Marku nuk ka shkelur asnjëherë ligjin, s’ka të dhëna. Këto të dhëna duhet të na bëjnë optimistë”, u shpreh ai.

Të fundit