Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ne emër të kujt flet Bushati për çështjen e Kosovës? Ministri shmang ‘Qeverinë’ nga intervista; në janar mbeti jashtë takimit Rama-Vuçiç

Politiko 25 Gusht 2018, 11:48
Ne emër të kujt flet Bushati për çështjen e

Ministri i Jashtëm, Ditmir Bushati ka thyer sot heshtjen dhe në një intervistë për ‘Panoramën’ shpalosi qëndrimin e tij kundër ndryshimit të kufijve të Kosovës. Bushati mbajti një qëndrim të ashpër kundër kësaj ideje, si dhe kërkoi që në Tiranë dhe Prishtinë të mos shpenzohet shumë energji për ‘mënyrën se si do të kompensohet Serbia në këmbim të njohjes së Kosovës, apo se si do të rehabilitohet ajo në rajon.’

Por ajo që bën përshtypje është se gjatë intervistës, Bushati nuk ka përmendur asnjëherë qeverinë ku bën pjesë apo kryeministrin Edi Rama, sa i përket qëndrimit kundër ndryshimit të kufijve. Ministri është kujdesur që të flasë në emër të Shqipërisë, por duke shmangur termin ‘qeveria shqiptare’ në momentet kur ka shpalosur qëndrimet për çështjen e Kosovës.

Gjatë dy viteve të fundit, Bushati dhe Rama kanë patur përplasje në disa raste sa i përket qëndrimeve karshi Serbisë.

Më 26 janar të 2018-ës, Politiko.al raportoi për lënien jashtë të ministrit Bushati nga takimi Rama-Vuçiç në Davos të Zvicrës. Gjatë gjithë takimeve që kryeministri zhvilloi në atë samit, Bushati nuk ishte i pranishëm vetëm në diskutimet me presidentin e Serbisë.

Tre ditë më pas, më 29 janar, Rama mbajti një qëndrim të kundërt nga ai i Bushatit sa i përket vrasjes së politikanit Oliver Ivanoviç në Mitrovicë, kur tha se ngjarja nuk kishte ndikuar në dialogun midis Kosovës dhe Serbisë.

Nëse i referohemi deklaratës së më 10 gusht në ‘Washington Post’ nga ish-kryeministri Suedisë, Carld Bildt, Rama dhe Bushati duket se kanë qëndrim të kundërt edhe sa i përket propozimit të Hashim Thaçit për ndryshimin e kufijve.

Bild shkruan në gazetën amerikane se gjatë takimit me Ramën, ky i fundit është shprehur i hapur sa i përket ndryshimit të kufijve, ide që mbështetet edhe nga Vuçiç.

Ndonëse diskutimi për këtë temë ka rreth një muaj që është hapur, kryeministri Rama nuk ka mbajtur ende asnjë qëndrim publik, ndërkohë që Bushati kundërshtoi idenë pas takimit qeveritar të zhvilluar dje në Vlorë, ku është diskutuar për përmbushjen dhe dështimin e prioriteteve qeveritare.

Ndërkohë, presidenti serb ka paralajmëruar se do të takohet së shpejti me homologun Thaçi dhe kryeministrin Rama për të diskutuar për çështjen e Kosovës./Politiko.al

Të fundit