Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Në 'filtrin' e OFL: Arben Frroku dhe dy ‘të fortët’ e Shijakut, kush është ‘miku i politikanëve

Politiko 27 Shkurt 2020, 13:22

Në 'filtrin' e OFL: Arben Frroku dhe dy ‘të

Në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL u ka dërguar kërkesat për vetëdeklarim të pasurisë, shtetasve:

- Jasin Kala, banues në Shijak, i dënuar për veprën penale “Vrasja me paramendim”;

- Arben Frroku, banues në Tiranë, i dënuar për veprat penale "Vrasja në rrethana të tjera cilësuese" dhe Armëmbajtja pa leje”;

- Durim Keçi, banues në Shijak, i dënuar në Itali për veprat penale “Shkatërrim prone me pasoja të rënda”, “Krime me armë kundër personit”, “Trafikim i lëndëve narkotike” dhe “Pjesëmarrja në organizatë kriminale, me qëllim trafikimin e lëndëve narkotike dhe shfrytëzimin e prostitucionit";

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme.

Kush është Arben Frroku

Është vëllai i ish-deputetit Mark Frroku, që u arrestua në Greqi dhe është akuzuar se vrau në një atentat mafioz kryekomisarin Dritan Lamaj.

Pas dy vjetësh në qeli, për habinë e të gjithëve Arben Frroku në fillim të muajit prill të 2015 shpallet i pafajshëm dhe lirohet nga burgu, pas një vendimi të Gjykatësit të krimeve të Rënda Dritan Hallunaj, edhe pse prokuroria kërkoi atëherë dënimin e tij me burgim të përjetshëm.

Kush është Durim Keçi

Shijakasi Durim Keçi është akuzuar si miku i politikanëve të majtë. Në Itali konsiderohet si një nga personat më të rrezikshëm të mafies shqiptar, madje ka kërcënuar prokurorët e Antimafias italiane.

Ai u bë i njohur edhe në debatet mes politikanëve pasi kreu i PD, Lulzim Basha tregoi fotot të tij me deputetë socialistë, duke akuzuar fort se mazhoranca mbante afër kriminelët, ndërsa kryeministri Rama publikoi foto të Durim Keçit që shfaqej te çadra e protestës së demokratëve.

Kush është Jasin Kala

I njohur si “Cine” i Shijakut dhe anëtar i bandës së rrezikshme të Avdylajve në Shijak. Ai u arrestua një vit më parë prej operacionit “Vol- Vo 4” bashkë me një sërë grupesh kriminale nga Shijaku e në veri të vendit, ku u implikuan edhe dy ish deputetë të PS-së, ish drejtori i burgjeve Arben Çuko e ish deputeti Arben Ndoka, por Gjykata e Krimeve të Rënda i ndryshoi shumë shpejt masën e arrestit, duke e lënë në arrest shtëpie me arsyetimin mbi gjendja e tij shëndetësore.

“Cine” i Shijakut u arrestua bashkë me 26 shtetas të tjerë për veprat penale ”Prodhimi dhe shitja e narkotikëve”, ”Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale.

Gjatë këtij operacioni gjithashtu u godit një laborator i përpunimit të heroinës në fshatin Brenog në Has, ku ndër të tjera janë sekuestruar 182.5 kg morfinë, e ndarë në 175 pako, 22 litra lëndë e lëngshme, të cilat përdoreshin për prodhimin e heroinës.