Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

KRYESORE

Në fund të mandatit në Shqipëri, Vlahutin: Jam kërcënuar dhe shantazhuar nga politikanët

Politiko 25 Korrik 2018, 21:28
Në fund të mandatit në Shqipëri, Vlahutin: Jam

Në fund të muajit gusht, ambasadorja e BE-së në Tiranë, Romana Vlahutin do të largohet nga Shqipëria pasi i përfundon mandati 4-vjeçar. Ndonëse ka qenë shpesh ‘në syrin e ciklonit’ për shkak të disa qëndrimeve të saj në mbështetje të mazhorancës, vetë Vlahutin e cilëson të sukseshme punën e saj në vendin tonë, veçanërisht sa i përket Reformës në Drejtësi. Në një intervistë për ‘Deuche Welle’, ajo shprehet se ka pasur grupe të ndryshme politike që kanë tentuar ta sabotojnë përparimin e reformës përmes kërcënimeve apo shantazheve dhe sulmeve të ndryshme.

“Sfida më e madhe ishte padyshim antagonizmi i brendshëm  politik dhe interesat personale të grupeve, që në mënyrë konstante u përpoqën të kërcënojnë, bëjnë shantazh, të ulin dhe sulmojnë përpjekjet për reformat, qoftë kjo reforma në drejtësi, lufta kundër krimit të organizuar dhe korrupsionit, financat publike. Gjithsesi, njëherazi, përpjekjet për të parandaluar ose bllokuar reformat ishin prova më e mirë që këto reforma ishin jashtëzakonisht të nevojshme dhe në interesin më të mirë të axhendës shqiptare të BE-së. Për sa i përket përvojave të mia më të mira: do të duhej shumë hapësirë për t'i listuar. Por do të thoja, mbi të gjitha, përvoja nga njerëz të mrekullueshëm, shumë punëtorë, të ndershëm dhe të menҫur që i takova kudo. Dhe veҫanërisht nga gratë e jashtëzakonshme, fenomenale të Shqipërisë. Çdo takim i tillë i jep një kuptim, vlerë më shumë, gjithë sa po bëjmë në Shqipëri, sepse në fund të fundit, të gjitha reformat kanë një qëllim thelbësor: ta bëjnë më të mirë jetën e njerëzve”, ka përfunduar ajo.

Vlahutin do të pasohet nga italiani Luigi Soreca, i cili aktualisht mban postin e drejtorit të Sigurisë në DG HOME, në Komisionin Evropian.

Të fundit