Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Në Kosovë të shqetësuar për vendimin e Holandës për Shqipërinë: Na penalizon ne

Politiko 23 Gusht 2017, 12:11
Në Kosovë të shqetësuar për vendimin e Holandës

Kërkesa e autoriteteve holandeze për rikthimin e vizave me Shqipërinë po shihet me shqetësim edhe në Kosovë. Analisti Augustin Palokaj e shikon të largët mundësinë e rikthimit të vizave, megjithatë, ai mendon se kjo situatë ndikon negativisht mbi Kosovën.

Në një shkrim të publikuar në ‘Koha Ditore’, Palokaj thekson se përvoja e keqe e BE-së me disa vende të Ballkanit Perëndimor, lidhur me kërkesat për azil dhe krimin e organizuar, do të shfryhet drejt qytetarëve të Kosovës, duke i mbajtur ata të izoluar nga pjesa tjetër e Europës.

“Çështja e vizave është kthyer edhe një herë në vëmendjen e opinionit shqiptar edhe në Kosovë, që është ndër shtetet e rralla qytetarët e të cilit nuk mund të udhëtojnë pa viza, por edhe në Shqipëri, e cila tash e sa vite e gëzon këtë të drejtë. Përderisa në Kosovë vazhdojnë të shpresojnë se “shumë shpejt”, apo siç thotë për shtatë vjet më radhë presidenti i këtij shteti, Hashim Thaçi, “në afat rekord” do të mundë të udhëtojnë pa viza në vendet e BE-së dhe në Zvicër, Islandë e Norvegji, në Shqipëri druajnë se do tua suspendojnë lëvizjen e lirë. Në fakt, edhe njëri, edhe tjetri skenar duken jorealë, së paku jo në një afat të shkurtër. Sepse në BE nuk është e lehtë procedura e vendimmarrjes, as për t’i hequr vizat e as për t’i kthyer ato. Prandaj do të jenë ende kosovarët ata të cilët do ta paguajnë çmimin për shkak të manipulimeve të klasës së tyre politike, apo për shkak të përvojës së keqe që BE-ja ka me disa shtete të tjera dhe shfryhet ndaj qytetarëve të Kosovës, shkruan Palokaj.

Analisti shprehet se krimi i organizuar po bëhet problem në Bruksel pasi i është i lidhur me strukturat politike në Prishtinë dhe Tiranë, e për këtë arsye Kosova do të duhet të presë shumë për të marrë liberalizimin e vizave, pasi për shkak të të njëjtit problem që vuan vendi, Shqipëria po kërcënohet me rikthim të vizave.

Të fundit