Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Në prag të nisjes së mësimit, ish-deputeti bën denoncimin: Shkollat e Fierit asnjë kusht për sigurinë shëndetësore

Politiko 5 Shtator 2020, 11:22
Në prag të nisjes së mësimit, ish-deputeti bën

Ish-deputeti i PD, Luan Baçi, ka denoncuar së fundmi kushtet në disa nga shkollat e Fierit, teksa ka publikuar pamjet ku duket qartë se këto ambiente nuk kanë asnjë kusht për sigurinë shënderësore të nxënësve.

Nëpërmjet një postim i në Facebook, Baçi shprehet se Bashkia e Fierit dhe  Ministria e Arsimit nuk kanë marrë asnjë hap për përmirësimin e kushteve të këtyre shkollave, teksa ndodhemi në kohë pandemie dhe vetëm pak ditë larg nisjes së mësimit.

Më tej ai shton se nuk është bërë asnjë investim për rindërtimin e shkollave, por qëllimisht është lënë të degradojnë, ndërsa nxënësit enden me detyrim në shkolla të tjera.

Postimi i plotë:

Fieri nuk është gati për nisjen e vitit të ri shkollor. Disa shkolla janë të rrënuara, si nga jashtë, edhe nga brenda. Bashkia e Fierit Ministria e Arsimit nuk kanë sigurar asnjë kusht për sigurinë e shëndetit të fëmijëve. Dështimi është i dukshëm në të tre shkollat që paraqiten me foto dhe video. Shkolla 9 vjeçare “Liri Gero” në Fier është në gjendje të tmerrshme.

Është e pistë dhe e rrezikshme në kuptimin e parë të fjalës si brenda klasave me dyer, mure dhe banka shqyera e të rrënuara, por edhe në ambjentet e tualetit, të cilin ke merak ta shohësh, jo më të hysh për të luftuar “armikun e padukshëm” duke larë duart. Në video është gjimnazi i Levanit, i cili ka prej vitesh nxënës shëtitës nga një shkollë në tjetrën.

Premtimet e Armando Subashit për këtë shkollë rezultuan mashtrime. Asnjë investim për rindërtimin e shkollës, por qëllimisht është lënë të degradojë, ndërsa nxënësit enden me detyrim në shkolla të tjera. E njëjta gjendje e rënduar edhe me shkollën në Portëz të Fierit.

Fotot tregojnë një godinë të frikshme, të rrënuar, të rrethuar me bar e shkurre, me kushte mizerabël, ku armiku i padukshëm mund të bëjë festë.

Shkollat, nxënësit, mësuesit, prindërit në Fier dhe në të gjithë vendin kanë një armik të dukshëm. Ky është pushteti aktual në qeveri me Edi Ramën dhe në bashki me Armando Subashin, që nuk kanë investuar asnjë qindarkë për përmirësimin e kushteve në shkollave.

Të fundit