Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Në Shqipëri zihen për timonin, kompania e prodhimeve automobile investim 20 mln dollarë në Maqedoni

Politiko 19 Qershor 2017, 10:20

Në Shqipëri zihen për timonin, kompania e prodhimeve automobile

Teksa politikanët shqiptarë janë vënë në garë se cili do ta marrë timonin virtual të drejtimit të vendit në katër vitet e ardhshme, shteti fqinj Maqedoni, që sapo kaloi një krizë edhe më të madhe politike, ka mirëpritur një tjetër fabrikë amerikane, që prodhon realisht pjesë për industrinë automative. Si për ironi, kompania amerikane, që ka shfaqur interes edhe për të investuar në Shqipëri, hapi fabrikën e dytë në Maqedoni.

Mediat maqedonase njoftuan më 15 qershor se kompania amerikane për prodhimin e sediljeve të makinave “Adient” ka hapur fabrikën në zonën industriale të Strumicës.

Përfaqësuesi i “Adient”, Telpik tha se kjo është fabrika më e madhe dhe më e sofistikuar në rajon, një investim që i kalon 20 milionë dollarë dhe që do të punësojë më shumë se 1300 persona, që konfirmon angazhimin e kompanisë për të investuar në ekonominë maqedonase.

“Një vit më parë, ne njoftuam ndërtimin e fabrikës sonë dhe sot po qëndrojmë përpara saj. Ky investim është një tjetër provë e qartë e synimeve tona për të investuar në Maqedoni dhe një hap i rëndësishëm në zgjerimin e rrjetit tonë në Europë, duke ofruar produkte të ndryshme të bazuara në cilësi, teknologji dhe rezultat për klientët tanë”, shtoi Teplik.

“Adient” ka 230 fabrika në 33 shtete, duke punësuar rreth 75 mijë punonjës në gjithë botën.

“Adient” është njësia e prodhimit të sediljeve të “Johnson Controls”, sipërmarrjes amerikane që prodhon pjesë për makina. “Johnson Controls” ka hapur fabrikë në Maqedoni për prodhimin e katalizatorëve disa vjet më parë dhe sot është kompania më e madhe në shtetin fqinj, me qarkullim vjetor 1 miliard euro (trefishi i xhiros së kompanisë më të madhe në Shqipëri) , që janë tërësisht eksporte. “Johnson Controls” ka tentuar të hapë fabrikë edhe në Shqipëri, por nuk e pa me interes vendin tonë dhe më pas vendosi që të zgjerohej po në Maqedoni, përmes investimit të “Adient”.

Në tetor të vitit 2016, kompania amerikane mëmë “Johnson Controls” njoftoi se departamenti i saj i sediljeve “Adient” do të dilte më vete, si pjesë e një strategjie multi-industriale në funksion të objektivit të saj për të forcuar pozicionin si lider në botë.

Ndarja e “Adient” vjen pas përfundimit të bashkimit të “Johnson Controls” me “Tyco” më 2 shtator 2016, i cili krijoi një kompani të kombinuar prej 30 miliardë dollarësh të ardhura. (Monitor)