Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Negociatat/ Greqia e gjitha në sulm, kërkon rikthimin e marrëveshjen antikushtetuese të detit

Politiko 13 Shtator 2019, 18:04

Negociatat/ Greqia e gjitha në sulm, kërkon rikthimin e

Tani që në Greqi pushtetin e ka marrë partia “Demokracia e Re”, ka ndryshuar edhe qasja e politikës së jashtme. Afrimi i datës 18 tetor, ku do të merret një vendim për hapjen e negociatave midis Shqipërisë dhe BE-së, ka ndikuar edhe në qeverinë greke.

Kryeministri Kyriakos Mitsotakis deklaroi në media se shteti helen do të votojë kundër çeljes së negociatave, nëse nuk respektohen të drejtat e minoritetit grek në Shqipëri. Nga pala shqiptarë ndërkohë mbajnë qëndrimin se të drejtat e minoriteteve respektohen më së miri.

Por kërkesat greke nuk mbarojnë me kaq. Deputetja greke, njëherësh motra e kryeministrit të Greqisë, si dhe ish ministrja e jashtme Dora Bakojanis,kërkoi që të rikthehet marrëveshja detare e bërë mes dy vendeve fqinje në vitin 2009.

“Situata me Shqipërinë është përkeqësuar dukshëm vitet e fundit. Nuk krahasohet niveli i marrëdhënieve aktuale me Shqipërinë me ato të periudhës qeverisëse të “Demokracisë së Re” dhe Kostas Karamanlis (2004-2009), kur nënshkruam marrëveshjen detare. Sipas mendimit tim, marrëveshja e atëhershme nuk duhet braktisur.

Qeveria e mëparshme e anashkaloi, në kërkim të një formule të re. Sidoqoftë, marrëveshja e 2009-ës duhet të përbëjë bazë për çdo negociatë të re, sidomos tani, me pretendimet e palës shqiptare ndaj qeverisë greke. Meqenëse shanset nuk shfaqen shpesh në politikën e jashtme, tani që Shqipëria ka nevojë për ne, diskutimet e qarta do sjellin dhe rezultate të prekshme”, tha Bakojanis.

Marrëveshja e detit në vitin 2009 me Greqinë u rrëzua nga Gjykata Kushtetuese në prill 2010, duke u konsideruar si antikushtetuese. Ajo u firmos në kohën e qeverisë së Partisë Demokratike, kur kryeministri ishte Sali Berisha dhe ministër i Jashtë, Lulzim Basha. Ndërsa nga pala greke, kryediplomatja ishte pikërisht Bakojanis.

Ndërsa Shqipëria pret çeljen e negociatave me BE-në, Greqia po përpiqet që të përfitojë nga situata sa i përket pretendimeve të saj edhe në ujërat detare.

Në ditët në vazhdim pritet një takim mes kryeministrit Edi Rama dhe homologut të tij Mitsotakis në Nju Jork. Por fakti që ata kërkojnë një marrëveshje për detin mbi bazat e asaj që u shpall antikushtetuese nga Gjykata Kushtetuese është shqetësues.

Çelja e negociatave po komplikohet gjithnjë e më shumë për vendin, për shkak të krizës.

Ndërsa vendet e tjera kërkojnë një shtet ligjor, demokratik dhe ku respektohen të drejtat e njeriut, nga ana tjetër, Greqia kërcënon me votën kundër për të përfituar më shumë sipërfaqe në ujërat detare në kurriz të Shqipërisë.

Po përse ndodh e gjithë kjo? Studimet gjeologjike të kryera që në vitet 1960 prej gjeologëve rusë dhe shqiptarë, por edhe kërkimet e kryera në vitet 2013- 2015 prej kompanive norvegjeze, konfirmojnë se atje gjendet naftë dhe gaz, si vazhdim i fushës naftëmbajtëse Patos-Marinëz-Vlorë. Me marrëveshjen e 2009-ws, fqinji jugor përfitonte sipërfaqe, me rezerva nafte e gazi, me vlerë të madhe ekonomike.