Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Negociatat/ I dërguari i Trump për Ballkanin i zhgënjyer me BE-në: Rusia dhe Kina gati të mbushin boshllëkun

Politiko 23 Tetor 2019, 23:35
Negociatat/ I dërguari i Trump për Ballkanin i zhgënjyer me

I dërguari i posaçëm i presidentit Donald Trump për rajonin e Ballkanit Matthew Palmer shprehu zhgënjimin e thellë për dështimit e vendeve anëtare të BE-së për çeljen e negociatave të pranimit të Maqedonisë së Veriut dhe Shqipërinë.

“Edhe pse ne nuk jemi anëtarë të BE-së, ne jemi dakord me vlerësimin e Komisionit Evropian më 29 maj se të dy vendet kanë bërë përparim të rëndësishëm të reformës, duke përmbushur kushtet e Këshillit Evropian .

Vendimi rrezikon të dëmtojë besueshmërinë e BE jo vetëm në Ballkanin Perëndimor, por në të gjithë Evropën dhe globalisht. Duke mos njohur në mënyrë të qartë arritjet e bëra nga Maqedonia e Veriut dhe Shqipëria dhe duke vazhduar të bllokojë përparimin e tyre në zgjerim, Këshilli Evropian dërgon një sinjal negativ për aspirantët e tjerë se dera në Evropë është e ndaluar. Ai gjithashtu dobëson argumentet që pohojnë dobinë e miratimit të reformave të vështira dhe bërjen e kompromiseve të guximshme për të zgjidhur mosmarrëveshjet rajonale dhe promovimin e paqes dhe zhvillimit demokratik. Më në fund, krijon një boshllëk udhëheqës që Rusia, Kina dhe të tjerët janë më shumë se të lumtur për të mbushur.”, tha ai përpara Komisionit për Punët e Jashtme në senatin amerikan.

Ai foli edhe për marrëveshjen midis Kosovës dhe Serbisë.

"Ajo që ne do të dëshironim të shohim është një marrëveshje e qëndrueshme, që është në pronësi lokale, për të cilën të mund të binden si në Serbi ashtu edhe në Kosovë. Mendoj se është e rëndësishme të nënvizohet një marrëveshje që është gjithëpërfshirëse, që përbën normalizim të plotë, që është shumë dimensionale; ajo do të kishte një komponent të sigurisë, një komponent politik, një komponent ekonomik dhe tregtar, do të kishte edhe një komponent kulturor.

Sa i përket faktit nëse kufijtë mund ose mund të mos jenë pjesë e një zgjidhjeje gjithëpërfshirëse, kjo varet nga palët për ta vendosur”, tha Palmer.

Të fundit