Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Negociatat/ Ilva Tare flet për Euronews: Mospranimi i Shqipërisë dhe Maqedonisë së Veriut, BE po krijon boshllëk politik në rajon

Politiko 16 Tetor 2019, 08:44
Negociatat/ Ilva Tare flet për Euronews: Mospranimi i Shqipërisë

Drejtoresha e televizionit më të ri në Shqipëri, ‘Euronews Albania’, Ilva Tare ka analizuar procesin e deritanishëm të negociatave me BE-në, të Shqipërisë dhe Maqedonisë së Veriut.

E ftuar në televizionin ‘Euronews Tonight’, Tare thotë se me refuzimin e dy vendeve aspirante, BE po humb një mundësi, duke krijuar kështu një boshllëk politik në rajon

“Sigurisht që reformat duan kohë të realizohen, por Komisioni Evropian po thotë se kemi përmbushur gjithçka që na kanë kërkuar. Na duhet po ashtu një historik më i mirë dhe duhet luftuar korrupsioni me krimin e organizuar, edhe kjo kërkon kohë.

Mesa duket BE po e shtyn procesin, po e humbet mundësinë. Askush nuk e di më se kush do ta plotësojë boshllëkun që po lë pas BE në Ballkanin Perëndimor.

Pra, BE po tregon se po e humb këtë mundësi, po e vonojnë këtë proces sepse duan, sidomos presidenti Macron, pasi kërkon një qasje të re, metodologji të re. Kjo është një ide e mirë, pikë e drejtë. Ekziston një krizë në procesin e  zgjerimit. Në disa shtete është krijuar kleptokraci, pra nuk po funksionon sic do BE. Ndaj mund të përdoren mjete evropiane për të monitoruar këto reforma.

Hapja e negociatave nuk do të thotë që ne të nesërme do të jemi shtet anëtar. Asgjë nuk ndryshon për një qytetar francez, holandez. Negociatat mund të zgjasin 10 vite nëse jemi me fat dhe shkojnë mirë. BE ka peshën e mekanizmit ka peshën e mekanizmit, madje për të kthyer pas kapitujt që po e diskutojnë tashmë në Bruksel. Nëse shtetet anëtare nuk ndihen të sigurt me mënyrën se si shtetet kanë përparuar ata mund të kthejnë kapitujt, por nisja e negociatave do ishte mundësia më e mirë si për Ballkanin Perëndimor dhe BE”, u shpreh gazetarja Tare.

Të fundit