Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Negociatat me BE, Ngjela: Brukseli thotë se me këtë qeveri nuk hapen. Studentët janë e vetmja shpresë

Politiko 24 Dhjetor 2018, 19:54

Negociatat me BE, Ngjela: Brukseli thotë se me këtë qeveri nuk

Avokat Spartak Ngjela thotë se negociatat e Shqipërisë me Bashkimin Evropian nuk do të hapen as në muajin qershor të vitit të ardhshëm. Sipas Ngjelës, Brukseli ka folur nëpërmjet politikës gjermane dhe disa vendeve të tjera të BE-së, se me qeverinë e Edi Ramës nuk mund të ketë negociata për Shqipërinë.

“Korrupsioni Berisha nuk u luftua, sepse qeveria Rama pranoi ushqimin e tij, por tani në favor të vet. Domethënë korrupsioni vazhdon. Politika gjermane nuk ka më besim te kjo qeveri”, shkruan Ngjela.

Për Ngjelën, shpresa e vetme në këtë situatë mbeten studentët dhe protesta e tyre.

Njëzet vjet korrupsion. Studentët duket se janë e vetmja shpresë. Por, a do të dalin ata masivisht në janar edhe me fotot e kryqëzuara të Ramës Berishës, Metës dhe Bashës? Mendoj se po. Koha ka ardhur. Studentët dhe SPAK mendohet se do ta çlirojnë Shqipërinë e zënë rob nga korrupsioni. Dhe do ta çlirojnë”, shkruan Ngjela.

Reagimi i plotë i Spartak Ngjelës:

Tani është thuajse e sigurt: Brukseli, duke folur nëpërmjet politikës gjermane dhe të disa politikave të tjera të vendeve të Bashkimit Europian, shprehet se me këtë qeveri nuk mund të hapen negociatat me Bashkimin Europian.

Korrupsioni Berisha nuk u luftua, sepse qeveria Rama pranoi ushqimin e tij, por tani në favor të vet. Domethënë korrupsioni vazhdon.

Politika gjermane nuk ka më besim te kjo qeveri.

Pse gjithë kjo goditje.?

Korrupsioni është kryesori, pastaj vijnë dhe gjendja e mjerë e paaftësisë politike të qeverisë për moskryerjen e reformave dhe ngadalësimin deri në zero të ristrukturimit demokratik të sistemit politik aktual.

Por ka një gjë që është esenciale: e gjithë kjo gjendje është pasojë direkte e korrupsionit qeveritar.

E shihni se në çfarë gjendje është sot Shqipëria dhe shqiptatet? Një tufë hajdutësh që duan ende të grabisin shqiptarët dhe shtetin e tyre, për të garantuar fitimet e paligjshme, penalizojë me varfëri dhe me humbje shprese të gjithë shoqërinë shqiptare.

Ky është një turp historike i cili nuk ka shembull në asnjë vend europian.

Dhe pyetja është kjo: tani që shqiptarët do ta marrin vesh arsyen e vërtetë të varfërisë së tyre, ende do ta mbajnë një qeveri abuzuese?

Njëzet vjet korrupsion. Studentët duket se janë e vetmja shpresë. Por, a do të dalin ata masivisht në janar edhe me fotot e kryqëzuara të Ramës Berishës, Metës dhe Bashës?

Mendoj se po. Koha ka ardhur. Studentët dhe SPAK mendohet se do ta çlirojnë Shqipërinë e zënë rob nga korrupsioni. Dhe do ta çlirojnë...