Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nehat Kulla drejt lirimit; precedenti i mëparshëm i gjyqtares që do të marrë vendimin për “Gjeneralin”

Politiko 24 Korrik 2018, 10:29

Nehat Kulla mund të jetë shumë pranë lirimit nga burgu. I ashtuquajturi ‘Gjenerali’ ka depozituar më 29 qershor të 2018-ës një kërkesë ku kërkon lirimin për sjellje të mirë dhe për shkak të problemeve me shëndetin.

Burime për gazetën ‘Panorama’ kanë bërë me dije se shqyrtimi i gjyqësor është drejt mbylljes dhe se në shtator pritet të merret vendimi përfundimtar. Çështja do të gjykohet nga Ëngjëllushe Tahiri, e cila më parë i ka aprovuar Kullës kërkesën për ulje dënimi.

Nehat Kulla u arrestua në vitin 2005 pas dënimit me 20 vite burg për vrasjen me paramendim të shtetasit Halim Gjuzi, ish-shofer i ish-zv/ministrit të Arsimit, Halit Shamata. Ai u dënua edhe për armëmbatje pa leje.

Kulla ka përfituar 5 vjet ulje dënimi gjatë 14 viteve të fundit dhe tashmë i ka mbetur vetëm një vit burg për kryer.

Vitet e fundit, shumë prej atyre që kanë drejtuar bandat e rrezikshme në Shqipëri apo që kanë kryer vrasje të bujshme, kanë dalë nga qelitë. Kujtojmë rastin e Lul Berishës në Durrës dhe Genc Tafilit në Krujë.

Banda e Nehat Kullës

Banda e Nehat Kullës ishte një grup kriminal që veproi në fshatin Tufinë të Tiranës në vitet 1997-1998.

Aktiviteti i bandës

Banda u krijua gjatë trazirave të vitit 1997. Në këtë situatë ai së bashku me familjarë e miq të tij mban të paprekur repartin “xhenios”, ndër të vetmit të padëmtuar gjatë sulmeve të popullsisë. Kulla, së bashku me të ashtuquajturit ushtarë të tij, e mban repartin nën kontroll për disa kohë, duke i vënë vetës edhe nofkën gjenerali, emër të cilin ia pagëzuan të gjithë banorët e zonës për të cilët ai ishte njeriu më me influencë. Madje, gjatë vitit 1997, kur shteti kishte humbur kuptimin e vet, ai arrin të krijojë një komisariat të mirëfilltë policie, ku u garantonte banorëve të Kinostudios dhe Tufinës qetësinë, duke mos lejuar asnjëri të futej në hartën e vendit ku ai kishte ndikimin e tij. Banda e tij kreu shumë vrasje dhe krime të tjera të frikshme.

Nofka "Gjenerali"

Nehat Kulla, ish-i forti i Tiranës në vitin e mbrapshtë 1997, do të vetëquhej Gjenerali pasi kishte grabitur një kamionçinë ushtarake tip Shevrolet (Chevrolet) me targa ushtrie dhe sinjale policie dhe mbante veshur uniformë ushtarake. Të paktën, atë kohë, i vetmi mjet i tillë që ndodhej në Shqipëri i përkiste Kullës, i cili madje ka pozuar për mediat me uniformë dhe kallashnikov në dorë. Ai shoqërohej gjithmonë nga një eskortë e armatosur me automatikë dhe vetë asnjëherë nuk e lëshonte automatikun nga dora.

Marrëdhëniet me politikën

Kundërshtarët politikë të Fatos Nanos publikuan një foto të tij në burg me Nehat Kullën, duke deklaruar se Nano kishte lidhje me kriminelët më të rrezikshëm shqiptarë. Arrestimet dhe daljet e shumta nga burgu të Kullës i shtuan dyshimet për lidhje të ngushta të tij me politikën.