Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Nëna e Skëndërbeut me origjinë sllave”, Paskal Milo ‘kryqëzohet’ pas deklaratës: T’i hiqet nënshtetësia shqiptare

Politiko 28 Maj 2020, 20:15

Një deklaratë e historianit Paskal Milo më datë 17 janar të 2018-ës, është rikthyer në vëmendje dy ditët e fundit. Arsyet nuk dihen, por një video në dukje e montuar jep disa deklarata të historianit. Paskal Milo në atë kohë ka përmendur disa fakte historike që sipas tij lidhen me trungun familjar të heroit kombëtar, Skënderbeut, mes të tjerash origjinën e të ëmës dhe lidhjet martesore me sllavët.

Milo deklaroi se është fakt i thënë nga historianë të tjerë e në kohë të tjera se Vojsava Kastrioti, bashkëshortja e Gjon Kastriotit, prindërt e Skenderbeut, ishte me origjinë sllave dhe shumica e fëmijëve të çiftit ju ishin vendosur emra sllav.

Milo deklaroi gjithashtu se Gjergj Kastrioti është konsideruar nga perëndimi si “Kalorës i Krishtërimit” dhe mbrojtës i tij, në luftën 25-vjeçare kundër Perandorisë më të madhe të kohës, Perandorisë Osmane.

Këto deklarata sipas Milos qëndrojnë, por videoja që po qarkullon po bën shtrembërime. Për deklaratat e tij ka reaguar dhe vajza e Koço Kokëdhimës, Besa Kokëdhima përmes një shënimi në rrjetet sociale një ditë më parë ku shkruante:

“Turp t’ju vijë! Kombet e tjera përvetësojnë çdo ditë elementë e figura të cilat as nuk i kanë të tyret, për të pasuruar e legjitimuar pretendimet dhe interesat e tyre, ndërsa një ish-ministër i jashtëm Shqiptar, përpiqet që edhe një figurë që kombi jonë ka që e njeh dhe na e ka njohur gjithë bota ta tjetërsojë! Doni ta lini këtë popull të zhveshur si fizikisht ashtu edhe shpirtërisht, pa histori, pa krenari pa identitet!Turpi ju mbuloftë! Deklarime të tilla nuk meritojnë asnjë rresht, minutë apo kohë mediatike! TURP”.

Po ashtu Milo është sulmuar nga Parid Turdiu, djali i Qazim Turdiut, pinjolli i një prej familjeve më të vjetra Tiranase i cili jeton në SHBA prej 3 dekadash, ka kërkuar që Historianit Paskal Milo t’i hiqet nënshtetësia shqiptare duke marrë shkas nga deklarata e këtijn të fundit.

Turdiu shprehet se Skënderbeu është simbol i kombit Shqiptar dhe akuzon Milon se ka bërë shpifje ndaj Heroit Kombëtar. Ai deklaron se Skënderbeu i ndërroi të gjitha fetë e kohës, sipas leverdisë politike: ortodoks, mysliman, katolik. (Bile po u bëre mysliman nuk mund të kthehesh, se Islami nuk e pranon apostazine.) Turdiu vijon më tej me argumentin se thelbi i veprës se Skënderbeut ishte pavarësia e këtyre trojeve.

“Radikal. Me zgjidhni mua, po nuk ia hoqa Paskal Milos shtetësine shqiptare, per shpifje ndaj Skenderbeut”, shkruan Turdiu në një postim në Facebook.

Sot Paskal Milo ka dhënë një intervistë për TiranaNews.al ku tregon se videoja është e manipuluar.

Ju keni thënë se video që është bërë virale, ku ju deklaroni se nëna e Skënderbeut është më origjinë sllave është një shpifje e montuar dhe manipuluar, përse?

Paskal Milo: Është një shpifje shumë e poshtër e organizuar nga qarqe ekstremiste islamike, që financojnë shumë portale të tilla në Shqipëri, për të goditur figurën e Skënderbeut. Nuk është hera e parë që e bëjnë këto qarqe. Por duke keqpërdorur dhe manipuluar tezat dhe qëndrimet e mia shumë të njohura në 550 vjetorin e vdekjes së Skënderbeut, dy vite më parë.

Pyetja që shtrohet është, pse u kujtuan tani këto portale me influenca të qarta islamike ektreme, të ribotojnë dhe manipulojnë pas dy vitesh këto deklarata të miat?

Bën shumë përshypje dhe është qëllimisht e organizuar dhe unë jam në dieni të këtyre përpjekeve që bëhen nga individë të caktuar të paguar. Synimi nuk jam unë, por është goditja e figurës së Skënderbeut. Goditja realizohet përmes shpifjeve në adresën time.

Nëqoftëse doni të dini pikpamjet e mia, i sugjeroj të gjithëve të lëxojnë se çfarë kam thënë unë në referatin e mbajtur në vitin 2018 në Konferencën Kombëtare për Skënderbeun të mbajtur në Tiranë dhe në disa konferenca të tjera. Materiale këto të botuara edhe në gazeta. Aty janë të qarta dhe jo të manipuluara. Nuk ka fraza të shkëputura nga konteksti si është bërë në atë video të publikuar.

Është një tentativë e ndyrë e qarqeve të influencuar nga radikalistë ekstremistë, që vazhdimisht kanë goditur figurën e Skëndërbeut me qëllime anti- kombëtare dhe anti-shqiptare.

Videoja që po qarkullon si më poshtë: