Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nesër asambleja e pedagogëve, pedagogu Fuga: Kjo është demokracia, kur ka kuvende dhe dialog horizontal

Politiko 24 Janar 2019, 21:11

Nesër asambleja e pedagogëve, pedagogu Fuga: Kjo është

Është paralajmëruar se nesër do të zhvillohet një mbledhje e të gjithë pedagogëve të universiteteve nga mbarë vendi. Në takim do të diskutohet sa i takon protestës së studentëve dhe vendimeve qëndrimit të stafeve akademike në ditët në vijim.

Pedagogu i Fakultetit të Shkencave të Natyrës, Artan Fuga vlerëson këtë iniciativë, duke theksuar se kjo është demokracia, kur ka kuvende dhe dialog horizontal.

“Komuniteti ynë artikulon fjalën e lirë, qysh në Mesjetë rendet, korporatat, esnafet kishin të drejtën të mblidheshin dhe të vendosnin për fatet e tyre. Të paktën këtë e kemi fituar. Nuk jemi më para Mesjete që dikush të habitet, çuditet, mos marrë pjesë, a të ketë frikë të ballafaqohet atje!”, sqaron Fuga.

Statusi i plotë:

Të kapim standardet e Mesjetës!

--------------------------

Eshtë për herë të parë që nesër më 25 janar antarë të asambleve të universitetit të Tiranës, por edhe të tjerë kolegë të nderuar, nga asamble të universiteteve të tjera, takohen lirshëm dhe me iniciativën e tyre për të biseduar rreth krizës universitare dhe rrugëdaljeve nga ajo.

Sa mirë është menduar që mjafton të jesh pedagog universiteti, i një nga universitetet e vendit, publik a privat, dhe je i mirëpritur.

Nesër në ora 10, në Sallën qendrore të ndërtesës Iliria, pra ndodh një event pa precedent!

Universitarët për universitetin!

Intelektualët për liritë dhe të drejtat akademike!

Pedagogët për fatin e studentëve, të arsimit të lartë, të dijes dhe mëncurisë kombëtare, për lirinë e kërkimit shkencor, për cilësinë e arsimit dhe diplomave, për dinjitetin dhe statusin social dhe profesional të tyre!

Kjo është demokracia, kur vjen nga poshtë!

Kjo është demokracia, kur është e decentralizuar!

Kjo është demokracia, kur ka kuvende dhe dialog horizontal!

As monolog,

as dialog,

por kulog!

Kulogu i parë i universitarëve në Shqipëri pas 60 vjet jetë universitare!

Kjo është demokracia, kur pranohet tjetri për dialog, ashtu i ndryshëm.

Kjo është demokracia, kur flasim dhe dëgjojmë njeri tjetrin!

Një takim i lirë, por krejtësisht i mbështetur në ligj që u jep të drejta pedagogëve të mblidhen në asambletë e tyre!

Komuniteti ynë artikulon fjalën e lirë, qysh në Mesjetë rendet, korporatat, esnafet kishin të drejtën të mblidheshin dhe të vendosnin për fatet e tyre.

Të paktën këtë e kemi fituar. Nuk jemi më para Mesjete që dikush të habitet, çuditet, mos marrë pjesë, a të ketë frikë të ballafaqohet atje!

Kush nga universitarët ka frikë e drojë të ballafaqohet atje me kolegët në një shkëmbim të lirë idesh e propozimesh, duhet t'a shohi mirë veten !

Gjithësesi!