Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

New Europe: Rama mohon 15 kushtet (megjithatë ato ekzistojnë). Pse hesht zyra e BE në Tiranë

Politiko 17 Qershor 2020, 18:06

New Europe

Kur Këshilli i Çështjeve të Përgjithshme të BE vendosi në mars për hapjen e negociatave të pranimit për Shqipërinë dhe Maqedoninë e Veriut, shumë entuziastë të zgjerimit psherëtinë me lehtësim. Megjithatë, nuk u përmend asnjë datë fillimi, dhe për Shqipërinë u vendosën 15 parakushte. Ata i referohen hapave konkretë që lidhen me reformën gjyqësore dhe zgjedhore, lirinë e medias dhe procedurat specifike penale që duhet të ndërmerren para se të zhvillohet një konferencë e parë dhe e dytë ndërqeveritare. Në një farë mënyre, këto kushte pasqyrojnë situatën e përkeqësuar të sundimit të ligjit në vend që kur iu dha statusi i kandidatit në vitin 2014.

Eshtë interesant fakti se 15 kushtet janë bërë një lloj tabuje për qeverinë shqiptare, e cila asnjëherë nuk e ka pranuar publikisht ekzistencën e tyre. Në një takim të 9 qershorit të Këshillit Kombëtar për Integrimin Europian, i cili bëri thirrje për një diskutim në lidhje me hapat e mëtejshëm drejt përmbushjes së kushteve paraprake, Kryeministri Edi Rama - në krahasim me Presidentin Ilir Meta dhe kryetarin e parlamentit Gramoz Ruçi - foli gjatë , por nuk arriti të përmendë kushtet e Brukselit as edhe një herë.

Të nesërmen ai befasoi publikun duke e mohuar me ngulm dhe vazhdimisht ekzistencën e këtyre kushteve në një konferencë për shtyp. Shumë vëzhgues thonë se është e pafavorshme për të që të pranojë kushtet e reja pasi do të krijojë të çara në përpjekjen e tij propagandistike për të portretizuar përparimin e vazhdueshëm dhe suksesin e pashembullt.

Ambasadori i ri austriak në Tiranë, Christian Steiner, foli më 15 qershor për një të përditshme shqiptare dhe konfirmoi nevojën që Shqipëria të përmbushë kushtet e BE-së. Të njëjtat thirrje u dëgjuan nga Partitë Popullore Europiane (PPE), në Parlamentin Europian. Pasi Rama mohoi kategorikisht ekzistencën e 15 kushteve të përcaktuara nga Këshilli, PPE paraqiti një ndryshim në rezolutën e Parlamentit Europian, i cili i bën thirrje Këshillit Europian dhe Komisionit Europian të theksojnë se Shqipëria duhet të plotësojë të 15 kushtet para Konferencës së parë Ndërqeveritare. Ndryshimi pritet të marrë një mbështetje të madhe. Samiti i BE i Zagrebit në maj theksoi përsëri kushtëzimet shqiptare; kësaj ju bë jehonë pozitive nga të gjitha grupet politike, përfshirë socialistët dhe demokratët që në të kaluarën prireshin të mbronin partinë e tyre simotër në qeverinë e Tiranës. PPE gjithashtu la të kuptohet se për normalizimin e pushtetit vendor nevojiten zgjedhje të parakohshme, mbase në të njëjtën ditë me ato të përgjithshmet. Bashkitë në Shqipëri drejtohen vetëm nga partia qeverisëse pasi zgjedhjet e vitit 2019 ishte ligjërisht të diskutueshme dhe asnjë parti opozitare nuk i kontestoi. Bundestagu gjerman dhe më pas Këshilli i Çështjeve të Përgjithshme vendosi sqarimin e ligjshmërisë së tyre si një kusht shtesë.

Shefi i Delegacionit të BE, Luigi Soreca, mori pjesë në takimin e Këshillit Kombëtar për Integrimin Europian më 9 qershor, por nuk arriti të përmendi qartë kushtet e Këshillit. Përkundrazi, ai foli përgjithësisht për reformat e mëtejeshme dhe vlerësoi dialogun ndërpartiak.

Delegacioni i Brukselit në Shqipëri ka një reputacion të keq rreth informimit të pasaktë të Brukselit për situatën reale në Shqipëri. Marrëdhëniet speciale të zhvilluara midis shefes së mëparshme, Romana Vlahutin, dhe Ramës rezultuan në mosinformimin siç duhet të BE për situatën reale në terren në lidhje me prodhimin masiv dhe eksportin e drogave të paligjshme në Shqipëri, një fakt që e ka shndërruar Shqipërinë në Kolumbi të Europës.

Droga, përfshirë kanabisin e rritur në vend, u transportuan nga fushat e vogla ‘aeroportuale’ shqiptare të vendosura në plantacionet ku rritej substanca psikoaktive dhe prej ku nisej për në Itali dhe prej andej në pjesën tjetër të Europës. Komisioni mësoi për këtë informacion të rëndësishëm nga Neë Europe, përkundër faktit se bandat shqiptare konsiderohen ndër trafikantët kryesorë të botës së heroinës, kokainës dhe kanabisit nga zyrtarët amerikanë të zbatimit të ligjit.

Praktika e delegacionit të BE për të siguruar informacion të kufizuar dhe shpesh mashtrues për Brukselin vazhdon nën menaxhimin e ri. Delegacioni i BE-së në Tiranë dhe Drejtoria e Përgjithshme e Shërbimit të Çështjeve të Jashtme të Evropës janë kritikuar rregullisht nga Shtetet Anëtare, të cilat kanë ambasadat e tyre në Tiranë dhe që marrin një pasqyrë objektive të situatës, dhe jo shumë raporte rozë, siç misioni i BE kalon rregullisht për Shqipërinë.

Gjatë një konference për shtyp më 10 qershor, Rama insistoi që "Nuk ka 15 kushte për të shkuar në Konferencën e parë Ndërqeveritare. Nuk ka. Ato nuk ekzistojnë. Unë e di që ju dëgjoni që po përsëritet dhe ju gjithashtu e përsërisni. Mos e përsërisni. Nuk ka 15 kushte".

Sidoqoftë, Këshilli i BE deklaroi qartë se "përpara konferencës së parë ndërqeveritare", Shqipëria duhet të miratojë dhe të sigurojë një numër veprimesh në fushat kryesore. Këto përfshijnë fillimin e procedurave kundër të akuzuarve për blerje votash (përfshirë zyrtarë të lartë të Partisë Socialiste, deputetë të parlamentit, policinë dhe potencialisht vetë Ramën), fillimin e procedurave penale kundër gjyqtarëve dhe prokurorëve, përparim të mëtejshëm në mbrojtjen e minoriteteve, ringritjen e Gjykatës së Lartë dhe Kushtetuese, dhe ndryshimi i ligjit të medias në përputhje me rekomandimet e Komisionit të Venecias.

*Përkthimi: Politiko.al