Nga Apollon Baçe te Ismail Kadare, a janë të paligjshme votat e 17 akademikëve për kryetarin e ri?

35 anëtarë të Akademisë së Shkencave nga 43 në total morën pjesë në votimin për kryetarin e ri. 27 prej tyre votuan që Skënder Gjinushi, i vetëm në garë, të zgjidhej kryetar i Akademisë, gjashtë u shprehën kundër dhe dy të tjerë abstenuan.

Por sipas gazetës ‘Panorama’, votat e 17 akademikëve janë të pavlefshme. Ligji në fuqi raportohet se nuk e njeh votën e akademikëve mbi 75 vjeç, ndërkohë që 15 prej votuesve i përkasin kësaj moshe. Bëhet fjalë për personalitete si Ismail Kadare, Apollon Baçe, Anesti Kondili, Gjovalin Shkurtaj, etj.

Dy akademikë të tjerë gjithashtu raportohet të jenë në shkelje të ligjit pasi bazuar në nenin 6 të ligjit, sipas të cilit janë zhvilluar zgjedhjet, mandati i një anëtari të Akademisë së Shkencave bie ndesh me funksione drejtuese në parti politike. Këtë të fundit e shkelin dy prej tyre, Skënder Gjinushi i PSD dhe Anastas Angjeli i PS.

Një tjetër çudi e kësaj zgjedhjeje, shkruan Panorama, është votimi me postë, i paparashikuar në asnjë nen të ligjit për Akademinë e Shkencave. Dje, 11 akademikë, mes të cilëve Ismail Kadare, Anastas Angjeli, Arian Durrësi, Bahri Beci, Jani Thomai, Efigjeni Kongjika, Marenglen Verli, Kosta Barjaba etj., zgjodhën ta jepnin votën e tyre në zarf, përmes postës.

Akademikët që votuan

Aurela Anastasi

Anastas Angjeli – Funksion politik; votim me postë

Kosta Bajraba – Votim me postë

Apollon Baçe – Mbi 75 vjeç

Gudar Beqiraj

Salvator Bushati

Floresha Dado

Albert Doja

Neki Frashëri

Nazmi Gruda

Skënder Gjinushi – Funksion politik

Jorgan Kaçani

Adnan Kastrati

Anesti Kondili – Mbi 75 vjeç

Efgjeni Kongjika – Votim me postë

Fatos Kongoli

Rexhep Mejdani

Arben Merkoçi

Beqir Meta

Petraq Petro

Edmond Pinguli

Bashkim Resuli – Mbi 75 vjeç

Xhevahir Spahiu

Vasil.S Tole

Jani Vangjeli

Merenglen Verli – Votim me postë

Floran Vila – Mbi 75 vjeç

Besim Elezi

Muzafer Korkuti

Arian Durrësi – Votim me postë

Ilirian Malollari

Gjovalin Shkurtaj – Mbi 75 vjeç

Shaban Sinani

Nestor Thereska

Bahri Beci – Mbi 75 vjeç; votim me postë

Bardhyl Golemi – Mbi 75 vjeç

Dhimitër Haxhimihali – Mbi 75 vjeç

Ismail Kadare – Mbi 75 vjeç; votim me postë

Ethem Likaj – Mbi 75 vjeç

Luan Omari – Mbi 75 vjeç

Emin Riza – Mbi 75 vjeç

Jani Thomai – Mbi 75 vjeç; votim me postë

Mark Tirta – Mbi 75 vjeç

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm