Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nga dashuria për Qemal Stafën, te burgu dhe shtëpia në ish-pulari, kundërthëniet e jetës së Nexhmije Hoxhës

Politiko 26 Shkurt 2020, 18:46

Nexhmija Hoxha u nda nga jeta sot dhe la pas plot 99 vite me kundërthënie. Ajo jetoi në 4 epoka, në periudhën e udhëheqjes së Ahmet Zogut, në pushtimin nazifashist, në epokën që e ndërtoi dhe drejtoi vetë me bashkëshortin e saj dhe 30 vitet e fundit i kaloi e qetë në sistemin pluralist që ishte ‘frika’ më e madhe e sojit të saj. Provoi gjithçka: luftën, udhëheqjen, tradhtinë, krimet e sistemit të saj, burgun, lirinë, shkroi dhe ‘testamentin’ disa ditë para se të jepte frymën e fundit.

Më poshtë politiko.al sjell një pjesë prej kundërthënieve më të mëdha të jetës së Nexhmijes Hoxhës. Sigurisht që ka edhe të tjera. Këto janë vetëm disa:

Dashuria për Qemal Stafën

Pas rënies përfundimtare të regjimit komunist, më parë sigurisht nuk do guxonte kush, është aluduar se dikur, para njohjes me Enverin, Nexhmija Hoxha ka pasur një afeksion për Qemal Stafën, liderin e parë të komunistëve shqiptarë, i cili u vra në vitin 1942. Asokohe Nexhmija ishte nxënëse e institutit "Nëna Mbretëreshë" dhe duket se ka pasur një “lidhje shpirtërore” me një prej të rinjve më me ndikim në Tiranën e viteve të pushtimit italian. Askush nuk e di nëse kjo ishte thjesht një dashuri në distancë apo lidhje konkrete. E sigurt është që bëhet fjalë para njohjes me Enver Hoxhën. Vetë Nexhmija i ka hedhur poshtë publikisht me vendosmëri të tilla aludime. Edhe pse kjo e tregon qartë ‘fiksimin’ e Nexhmijes me liderët.

“Gjyqi i kafes”

Dy vjet pas rënies së komunizimit, Nexhmija do të provonte edhe burgun, në ato burgje që burri i saj por edhe ajo vetë kishin dërguar me mijëra. Ajo u arrestua në vitin 1992 dhe mori një dënim me 11 vite burg në atë që do të njihej edhe si “gjyqi i kafes”. Megjithatë gruaja e diktatorit do të kryente vetëm 5 vite burg, pasi përfitoi nga amnistitë e shumta dhe ndryshimet në kodin penal.

Konflikti me nusen e djalit, Liljana Hoxha

Edhe pse ishte gruaja më e pushtetshme në Shqipëri prej 46 vitesh, Nexhmije Hoxha nuk i shpëtoi ‘mallkimit’ të shumicës së vjehrrave, sherrit me nuset. Konflikti i saj i hapur me Liljana Hoxhën, gruan e djalit të vogël Sokolit ka marrë gjithnjë vëmendjen e mediave në Shqipëri. Duhet thënë se thuajse në të gjithë periudhën postkomuniste në Shqipëri familja Hoxha jetoi e ndarë. Sokoli dhe Liljana nuk kishin absolutisht marrëdhënie me Nexhmijen, Ilirin dhe gruan e tij, Teutën.

‘Dashuri-urrejtja’ me Ramiz Alinë

Njohja e saj me Ramizi Alinë ndodhi gjatë luftës, në Konferencën e Rinisë Komuniste Antifashiste që u zhvillua në Helmës të Skraparit. Pas takimit të parë aty, do të fillonte një bashkëpunim i ngushtë e i gjatë i të dyve. Gjithnjë është folur për një aleancë mes tyre. Por në fund muk munguan as konfliktet. Rrëzimi i shtatores së Enver Hoxhës apo edhe vendimit të Alisë në fund të regjimit komunist e bënë Hoxhën të konfliktohej shpesh me liderin e fundit komunist, që u bë njëherazi President i parë i Shqipërisë pluraliste.

Jeta në pulari

Jetoi për gati 50 vite në qendër të Tiranës, në Bllok, në zonën më të lakmuar dhe luksoze të Tiranës por e Nexhmija Hoxha u detyrua të kalojë pleqërinë në një shtëpi të thjeshtë në periferi të Tiranës. Tek rrethrrotullimi “Shqiponja”, në një ndërtesë ku më parë ishin zyrat e ish-pularisë së Tiranës, në katin e dytë jetoi prej vitesh dhe mbyllu sytë Nexhmija.

“Testamenti” i fundit

Kur sapo mbushi 99-vjetorin e saj, pasi për 50 vite me radhë bashkë me Enver Hoxhën, dominoi jetën e Shqipërisë, Nexhmija vendosi botimin e librit më të fundit “Përjetime dhe meditime në jetën time politike”, që e la si një ‘testament’ mesa duket. Ajo shkroi dhe i përjetoi mendimet e saj për epokat ku jetoi. Një liri që ia dha demokracia, një sistem që ajo kaq shumë e luftoi.