Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nga fyerja te ‘heqja e kafshatës’, si u goditën nga masat e qeverisë artistët shqiptarë gjatë pandemisë

Politiko 21 Korrik 2020, 12:56

Nga fyerja te ‘heqja e kafshatës’, si u goditën nga masat

“Muzika nuk vret”, është slogani që po qarkullon prej dy ditësh në rrjetet sociale, i përdorur edhe si mesazh në shenjë proteste para godinës së kryeministrisë nga artistët, pas vendimit të qeverisë të komunikuar nga ministrja e Shëndetësisë, Ogerta Manastirliu për mbylljen e lokaleve të natës, diskove pas orës 20.00.

Ky vendim u justifikua me faktin se këto ambiente po kthehen në vatra potenciale të infeksionit nga të rinjtë, nisur edhe nga shifrat e fundit të të prekurve që janë raportuar javët e fundit në vendin tonë.

Ky vendim nuk u mirëprit aspak mirë prej artistëve që punojnë në klubet e natës, por edhe pronarët e këtyre ambienteve, pasi e kanë cilësuar si trajtim të diferencuar dhe që ndikon direkt në ekonominë e tyre, pas gati 4 muajsh karantinë.

Megjithatë, nëse kthehemi vetëm pak javë pas në kohë, artistët nuk është hera e parë që u cekën nga masat e qeverisë, të ndërmarra për shkak të pandemisë.

Le të kujtojmë deklaratën e Ministres së Financave, Anila Denaj, e cila në emisionin e mëngjesit në abcneës, kur u pyet se si do të procedohet me këngëtarët e ‘live-it’ këtë verë, për shkak të protokolleve të reja prej pandemisë, ajo tha se: “Biznesi siç ka qenë nuk do jetë, si kudo. Nëse një punonjës i biznesit më parë ishte pjesë e një turizmi, vinte nga Tirana në Sarandë për të punuar, ai mundet që brenda një kualifikimi profesional të shkurtër të shkojë dhe të punojë në industri tjetër.

Fleksibiliteti i personave për të ndryshuar punën duhet të jetë i lartë. Unë do të ftoja edhe këngëtarët të mendojnë ndaj kësaj dhe uroj të paguajnë cdo tarifë që i takon shtetit”, tha ministrja.

“Këngëtarët i bie t’i bëjmë muratorë”, tha Enkel Demi.

“Jo nuk e thashë këtë, i respektoj shumë. E vetmja ndërgjegjësim që do kisha për ta është pagesa e plotë, e dimë se informaliteti ekziston edhe në këtë sektor. Qarkullimi në këto sektorë do jetë më i ulët, por do ketë edhe një alokim. Do shpresoja që këngëtaret t’i dëgjojmë në koncerte të hapura, por theksoj fleksibilitetin sidomos të punëtorëve”, shtoi Denaj.

Deklarata e ministres solli një “furtunë” reagimesh jo vetëm nga artistët. Megjithatë, një ditë më pas, ministrja kërkoi të dëgjohet sërish intervista, sipas saj për të sqaruar “komentet, që shtrembërojnë kontekstin”.

Kështu, artistët veç fyerjes nga deklarata e ministres, të paktën ashtu linte të kuptohej fillimisht, tashmë po përballen edhe me heqjen e mundësisë së punës, duke krijuar një situatë problematike sa i përket të ardhurave si përfaqësuesve të bizneseve të bareve edhe lokaleve të natës.

Lexo edhe: Elton Deda mesazh Ramës pas mbylljes së lokaleve të natës: Shfuqizo atë aktin e çuditshëm dhe bëj një të ri me këtë ndryshim

Video e Aleksandër Gjokës kundër masave të qeverisë, “sharje e fyerje ndaj Ramës

Shumë artistë dhe personazhe të ndryshme të ekranit kanë shprehur kundërshti për masat e marra nga Edi Rama gjatë kësaj periudhe. Në fund të majit, madje u hodh ideja se e diela do jetë pa makina nga tetori i 2020-ës deri në mars të 2021.

Për këto masa, pati reaguar i revoltuar dhe këngëtari Aleksandër Gjokaj, i cili përdori edhe një fjalor shumë të rëndë kundrejt kryeministrit.

Ndër të tjera Gjoka shprehet: “Unë kam besuar që je çun Tirane mor, je kokrra e k*rvës. Ik ore shkë*rdhat e ke bo popullin me fol me vete”.

Për më tepër shihni videon (kujdes fjalor i rëndë):