Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nga kunati i Kumbaros te dhëndrri i Xhafajt, kush janë drejtorët që kërkuan shembjen e Teatrit Kombëtar

Politiko 15 Maj 2020, 12:54

Dje, Këshilli Bashkiak miratoi vendimin për shembjen e godinës së Teatrit Kombëtar.

Vendimi ka ngjallur reagime të ashpra, sidomos nga artistë e aktivistë që kanë mbi dy vjet që protestojnë kundër vendimit të qeverisë, por edhe të opozitës jashtëparlamentare.

Kujtojmë se kreu i PD, Lulzim Basha kaloi mbrëmë natën pranë godinës së teatrit në mbështetje të artistëve protestues, ndërsa natën e 15 majit pritet të jetë kryetarja e LSI, Monika Kryemadhi.

Kundër vendimit ka dalë edhe presidenti Ilir Meta, i cili dje depozitoi një padi në Gjykatën Kushtetuese, ndërsa sot Aleanca për Mbrojtjen e Teatrit ngriti padi penale në Prokurorinë e Tiranës .

Artistë e aktivistë e kanë cilësuar vendimin të paligjshëm dhe se ka shumë shkelje për mënyrën se si është hartuar, deri në miratimin e tij ditën e djeshme në një mbledhje online. Madje, një nga këshilltarët publikoi sot e-mailet që tregon se si vendimi erdhi në fshehtësi pa u dhënë mundësinë e diskutimeve, por vetëm dërgimin me postë elektronike të votës pro ose kundër.

Ndërkohë sot, doli edhe lista me emrat e këshilltarëve që hodhën firmat për të miratuar vendimin që i hap rrugë shembjes së godinës së Teatrit Kombëtar, ndërtesë që organizata e njohur Europa Nostra ka kundërshtuar shembjen e godinës së Teatrit Kombëtar, duke e renditur TK një nga 7 ndërtesat më të rrezikuara të Evropës.

Nga ana tjetër, nga vendimi janë bërë publikë edhe drejtorët firmëtarë që i kanë kërkuar Këshillit Bashkiak Tiranë për shembjen e godinës, bazuar në aktekspertizën e hartuar nga Instituti i Ndërtimit “mbi vlerësimin e godinës së teatrit”, akt që sipas artistëve të AMT i përket vitit 2018 dhe se nuk është e plotë për tu bazuar një vendim i tillë.

Kush janë drejtorët që kërkuan miratimin e vendimit? Disa prej tyre nuk janë emra të panjohur, edhe të përfolur në media.

Ndër to bie në sy Dhimitraq Furxhi, ish drejtori i teatrit “Petro Marko” Vlorë, njëherësh kunati i ish ministres së Kulturës, Mirela Kumbaro.

Ditjon Baboci, i cilësuar si dhëndrri i ish ministrit të Brendshëm, Fatmir Xhafaj.

Taulant Tusha, motra e të cilit fitoi tenderin e “Tirana Parking”. Kompania në pronësi të motrës së drejtorit të punëve publike në bashkinë e Tiranës, fitoi një tender të majmë nga agjencia e parkimit ‘Tirana Parking,’ duke ngritur pikëpyetje për një konflikt të mundshëm interesi, katër vjet më parë.

Në tender nuk pati ofertues të tjerë. Ndërkohë, dokumentet e zbuluara nga BIRN në atë kohë, tregonin se kompania kryesore fituese ishte nën pronësi të motrës së drejtorit të punëve publike në bashkinë Tiranë, Taulant Tusha, çfarë ngre pikëpyetje për një konflikt të mundshëm interesi në procesin e prokurimit të kontratës.

Alban Dokushi, i cili 6 vjet më parë ra pre e një atentai me arme zjarri në zonën e ish-Bllokut në atë kohë me detyrë ndihmës ligjor në gjykatë, por i ka shpëtuar për mrekulli sulmit.